TWALILILA KUYA WAKENTELE!
Bantu Bali Mukuya Bazezia Kiswapilo mu Bantunguluzi ba Politike—Bibilia ili Yalandapo Syani?
Mu mwaka wa 2024, mu ma fwasi engi mwaya kyalo mwakaba kukitika busobozi. Anzia evio, bantu bengi bali mukuzezia kiswapilo mu bantunguluzi ba politike.
Bantu bengi bakipuziiwa mu kutosia kwakikitika mu Amerika bakilangilila nangue, “bantunguluzi bengi ba politike basonseziiziwe na mawazo a butani” kuliko kutona kubabombela bantu. a—Mpunda ya Kitente kya Kukebulula kya Pew ya pa nsiku 19, Mwezi wa 09, 2023.
Ni bamisepuka bengi ni bene te babaswapiile bantunguluzi ba politike.
“Lonu bamisepuka, lingi bali mukwemena kupwisia maavia a bintu bya mana, inzi bantu bali batosia bakilangilila nangue bantunguluzi ba politike te bali na buvinde bwa kuapwisia.”—Mpunda ya The New York Times, ya pa nsiku 29, Mwezi wa 01, 2024.
“Kukonkana ni bantu bali batosia, bamisepuka baswapiile baalia bali babiika ma video ali akonkua na bantu bengi sana ku bitente bya kubwilana mpunda kuliko kubaswapila bantunguluzi ba politike.”—Mpunda ya The Korea Times, ya pa nsiku 22, Mwezi wa 01, 2024.
Eba, kunti twaswapila nangue bantunguluzi ba politike bakaba kuwamia bintu musita uli mukwiza? Tupalile kuswapila ni?
Saakula bwino olia uuli kuswapila
Bantu bali ni nsambu ya kwilabukila palua kusaakula olia ubapalile kuswapila. Bibilia ili yalanda nangue, kipuba ali wazumina kila mulandu, inzi muntu akengeele ali watosia kubalua lutanfu.—Tuswalo ni Mafunde 14:15.
Evi upate masoke ali kukukwasia kutosia mpunda yuli wapata, soma lyasi lilandile, “Jilinde Dhidi ya Habari za Uwongo.”
Kukila pa kako, ata sie bantunguluzi baswapikikile kabili batonene kukita bintu biweme, te bavinda kukita kila kintu kibatonene kukita. Kekio i kilengiizie Bibilia itutubule evi:
“Te kubiika kiswapilo kyobe mu bantunguluzi ba kenu kyalo, tekuli ata muntu ali kuvinda kukupususia”—Malumbo 146:3, Mpilibulo ya Mpunda Iweme.
Ntunguluzi uuli kuvinda kuswapila
Bibilia ilangiliile nangue Leeza waasaakwile ntunguluzi ali ni buvinde bukata kabili aswapikikile: Yesu Kristu. (Luka 1:32, 33) Yesu i Likolo wa Bukolo Bwakue Leeza, buteeko bolia buli mukuteeka ku muulu.—Mateo 6:10.
Mona juu ya ki kunti wamuswapila Yesu ni vyakaba kukita evi kupwisia maavia atuli mukusaakaana nao. Soma maasi alandile, “Likolo wa Bukolo Bwakue Leeza Naani?” ni “Bukolo Bwakue Leeza Bwakafikilizia ki?”
a Kitente kya Kukebulula kya Pew, “Mawazo Asipalile a Bantu ba mu Amerika Palua Politike,” Mwezi wa 09, 2023.
Paange uli Kutona ni Eezi Mpunda
MASAMBILIZIO A BIBILIA A MUSINZI
Bukolo Bwakue Leeza Ni Kiki?
Mu miilo yakue ya kusimikila, Yesu wasambiliziizie saana palua Bukolo Bwakue Leeza kukila maasi aange oonse. Mu mamia a miaka iingi, basambi bakue bali mukupepa Bukolo boobo buize.
MASAMBILIZIO A BIBILIA A MUSINZI
Kunti Twasininkizia Siani Nangue Bibilia Ni ya Kisinka?
Kine Bibilia yaatungilue na Leeza, ipalile iye yapuseene ni bitabu binge byonse bileembelue.
FWEFUE TULI BAANI?
Loomba Usambilile Bibilia
Saanga mafuunde kufuma mu Bibilia pa fuasi ni mu musita nga via uli kutona.
