TWALILILA KUYA WAKENTELE!
Bibunda Bili Byainoona—Bibilia ili Yalandapo Siani?
Mwaya kyalo kyonse, bantu bengi bali mukusaakaana ni bibunda bili byainoona. Mona eezi mpunda:
“Mvula yakinoka mu muzi ukata wa China mu eezi nsiku yakipita, yakiba yali mvula ikata saana. Mu miaka 140 yakipita, mu ozo muzi temunanoke mvula ikata nga ezio. Pakati ka Nsiku ya Sita ni ya Tatu, menda akiizula mu ozo muzi mpaka kufikiila mu . . . milimetre 744.8.”—Mpunda kufuma ku AP News, ya pa nsiku 2, Muezi wa 08, 2023.
“Nsiku ya Ine, i bwaali busiku bwa bubili bwa mwela uli wakuutua Typhoon Khanun waaleetele mvula ikata ni mwela ukata saana kusini kwa Japani. Kya bulanda, bantu babili bakifua. . . . Kimwenekele nangue ozo mwela wakaba kuleeta mvula ikata yakaba kulengia menda akabe kwizula mpaka kufikiila mu metre 0.6 mu tuzonga twa mpili twa mu bukata bwa Taiwan.”—Mpunda kufuma ku Deutsche Welle, ya pa nsiku 3, Muezi wa 08, 2023.
“Menda engi [mu muzi wa Nova Scotia] akilengiiwa na mvula ikata saana yakinoka ku seemu ya Kanada ili ku mbali lyezi lya Atlantiki. Mu ezio fuasi temunanoke mvula ikata nga ezio mu miaka 50 yakipita.”—Mpunda kufuma ku BBC News, ya pa nsiku 24, Muezi wa 07, 2023.
Bibilia ili yalanda siani palua bebio bintu bili mukukitika?
Ni kalangi ka “nsiku ya mpeleezio”
Bibilia ili yatubuila nangue twikeele mu kipindi kili kyakuutua, nsiku ya mpeleezio. (2 Timoteo 3:1) Yesu waalandile ntanzi nangue, mu onu musita weetu twakaba kumona bintu bili byatiinia ao bintu bili byaleeta muenzo. (Luka 21:11) Kwaluluka kwa aali ya ewa kuli pakati ka bintu bili mukulengia masaanzo a asili ali mukusitukila sie, alumine saana kabili ali mukukitika musita kwa musita.
Nsaambu ilengiizie kuye kwali kiswapilo
Bibilia ili yatubuila nangue, bintu bingi bili byaleeta muenzo bili mukukitika loonu mu kyalo, bitupeele nsaambu ya kuya twali ni kiswapilo. Juu ya ki? Yesu waalandile eevi: Musita umwakamona bebio bintu byali mukukitika, inike nangue Bukolo Bwakue Leeza bwapalama.—Luka 21:31; Mateo 24:3.
Bintu bituli mukumona byakitika bilangiliile nangue, eevi sie leenu Bukolo Bwakue Leeza bwakaba kutungulula kakiine bintu bya asili bili mu kyalo, kubiika mukati ni mizyunguluko ya menda.—Yobu 36:27, 28; Malumbo 107:29.
Eevi usambilile bingi palua Bukolo Bwakue Leeza vibwakaba kupuisia maavia a aali ya mazingira ali mu kyalo, mona lyasi lilandile, “Naani Wakapusula Kyalo?”
Paange uli Kutona ni Eezi Mpunda
MAASI AVULIISIE
Eba, Bibilia Kunti Yakukwasia Kusipikizia Aali ya Ewa Ibiipile Saana?
Masoke a Bibilia kunti a kukwasia ntaanzi, musita wa aali ya ewa ibiipile saana ni kisia paapo.
MAASI AVULIISIE
Bibilia Ili Yalanda ki Palua Kwaluluka kwa Aali ya Ewa ni Musita Weetu uli Mukuiza?
Eba, Kabumba weetu ali waemena planete yeetu pamo ni baalia bekeelepo?
FWEFUE TULI BAANI?
Loomba Usambilile Bibilia
Saanga mafuunde kufuma mu Bibilia pa fuasi ni mu musita nga via uli kutona.
