Pa nsiku 19 Muezi wa 05, 2022, bakulu 75 bali mu bifulo bya pa muulu, bali babombela mu Buumo bwa Ntundu juu ya kwemena mutende, bakilanda nangue byakulia byakiba byasyakeepele mu kyalo juu ya birusi bya korona (COVID-19) ni kwaluluka kwa aali ya ewa. Kabili nangue nzala ili mukuya yakila kuvula mu kyalo juu ya vita ili mu Ukrainia.” Musita uniini kisia paapo, kazeeti ka The Economist kaakilanda nangue “vita ili mukuluiwa mu kyalo ili mukuleeta nzala ikata saana.” Bibilia yaalandile ntaanzi nangue mu onu musita utulimo, byakulia byakakeepa. Inzi kabili, ili yatukwasia eevi tumone vya kusipikizia ezio aali.

•   Yesu waalandile nangue Byalo byaakaluisiania, bukolo bwakasokozia ni kuluana ni bukolo nakue kabili kwakaba kimina kya nzala ao nzala ikata.​—Mateo 24:7.

•   Kitabu kya Nfyulo, kili kyalondoluela bantu bana ba mufuano bekeele pa bafarasi. Umo po pakati kabo, alangiliile vita. Akoonkelue na unge alangiliile kimina kya nzala. I kulanda nangue kwakaba musita byakulia lubyakakeepa kabili byasitua mu mutengo ukata saana. Naamwene farasi wafi, ni olia waali waikeelepo waali wakuete kilo kya kupiiminako mu minue yakue. Naunvuile kintu kimo kyaunvuikile nga lizui . . . kyalanda, Kwati imo ao kilo imo ya nghano yakaba yasitua na dinari imo! Ni bibaba bitatu ao kilo itatu ya shairi yakaba yasitua na dinari imo.​—Nfyulo 6:5, 6.

 Bobu bukabika buli mu Bibilia bulandiile palua kukeepa kwa byakulia, buli mukufikiliziiwa enu nsiku ili yakuutua na Bibilia nangue nsiku ya mpeleezio. (2 Timoteo 3:1) Eevi umane bingi palua “nsiku ya mpeleezio” ni baalia bantu bekeele pa bafarasi bana bazimbuilue mu kitabu kya Nfyulo, mona viideo Dunia Imebadilika Tangu 1914, kabili soma leeli lyasi lilandile “Wale Wapanda Farasi Ine​—Ni Nani?”

•   Mu Bibilia, muli masoke ali abomba ali kutukwasia kusipikizia mu aali ikolele, ibiikile mukati kupiluka kwa bei ya byakulia ni kupusua byakulia. Mona masoke ali mu lyasi lilandile “Jinsi ya Kuishi Ukiwa na Pesa Kidogo.”

•   Kabili, Bibilia ili yatupeela kiswapilo. Ili yalanda nangue musita uli waiza, bintu byakaba kuwaama saana. Ilaile nangue busiku bumo pakaba nghano ingi pa kyalo kabili kila umo wakaba ni byakulia bingi. (Malumbo 72:16) Eevi umane bingi palua kiswapilo kili mu Bibilia kilandiile palua musita uli waiza, kabili juu ya ki kunti waswapila nangue kyakaba kukitika, soma lyasi lilandile “Tumaini Bora la Wakati Ujao.”