Bantunguluzi ba keenu kyalo ni ma kuteania a kyalo kyonse te ali na buviinde bwa kuleeta mutende. Loonu, kuli kusyunvuana kuingi kwa bungipaani kuliko musita unge onse ntangia Bului bwa Bubili bwa Kyalo. Bantu miliare ibili eevi​—i kulanda, muntu umo pa bana​—​bekeele mu tuzonga tukumiiziwe na kooko kusyunvuana.

 Juu ya ki bantu te baviinda kuleeta mutende? Bibilia ili yalandapo siani?

1.  1. Bantu bali ni mibeele ibalengiizie te kunti baviinde kukita mutende. Bibilia yaalandile ntanzi nangue mu enu nsiku yeetu, bantu bakaba baitonene bene, batonene nfalanga, baitantamuna, ba kibuli, . . . basili ba kisinka, . . . basiizi kutona kunvuana ata kaniini, . . . basokoziana, basasile, . . . babinkuula, ba kiitoni.​—2 Timoteo 3:2-4.

2.  2. Muntu weene bunke ao bali kikundi te bali na buviinde bwa kupuisia maavia abo bila kukwasiiwa na Kabumba wabo, Yehova a Leeza. Bibilia ili yatubuila nangue, muntu ali waenda tali ata na buviinde bwa kutungulula lutanfu lwakue.​—Yeremia 10:23.

3.  3. Kyalo kili pensina butunguluzi bwakue kateeka mubiifi kabili ali ni maka Sataana Kibanda, olia ali wababeepa bekala kyalo kyonse. (Nfyulo 12:9) Eevi kyalo vikiteekelue na olia mubi, kwakaba kwali vita ni kusyunvuana.​—1 Yoane 5:19.

 Bibilia ili yatusininkiziizia nangue bantu te bali na buviinde bwa kuleeta mutende, inzi Leeza sie i ali ni buviinde bwa kukita evio.

•   Paantu manine buino malanga andi mukutontonkania palwenu i vyalanda Yehova, malanga a mutende kabili apana a buavia, eevi kumipeela musita uli waiza ni kiswapilo.​—Yeremia 29:11.

 Leeza wakaba kufikilizia siani bobo bulayo? Leeza ali wapeelana mutende wakamwinoona Sataana. (Baroma 16:20) Eevi kuleeta mutende mu kyalo kyonse, Leeza wakabombia buteeko bwa ku muulu, bolia buli bwakuutua mu Bibilia “Bukolo Bwakue Leeza.” (Luka 4:43) Musita Likolo wa Bukolo Bwakue Leeza, Yesu Kristu lwakateeka kyalo, bantu bakasambilila vya kwikala mu mutende.​—Isaya 9:6, 7.

•   Eevi usambilile bingi, soma lyasi lilandile, “Bukolo Bwakue Leeza Bwakafikilizia ki?”