TWALILILA KUYA WAKENTELE!
Juu ya ki Politike Ili Mukukasania Saana Bantu?—Bibilia Ili Yalandapo Siani?
Mwaya kyalo, byalo bingi bikaseene mu bintu bya politike. Kukoonkana ni mpunda yakileetua mu 2022 na Pew Research Center (Kitente kya Kukebulula Mpunda kya Pew), “pursa 65 ya bakulu ba mu buteeko mu byalo 19, bakilanda nangue, mu kyalo kyabo, bantu baalia bakwasiizie byama bya politike bibeeleele tebeezi kunvuana ao tebeezi kunvuana ata kaniini.”
Eba, pa fuasi pa wikeele, uli mukumona bantu bali mukukila kukasanika juu ya politike? Juu ya ki bali mukukasanika evio? Eba, kukasanika kwakapua? Mona Bibilia viili yalanda.
Mibeele elia ili mukulengia bantu bakasanike
Bibilia yaalandile ntaanzi palua musita weetu nangue ni nsiku ya mpeleezio, nsiku ya kwalukamo bantu bengi bali ni mibeele ili kulengia iye yakolele saana baaluke mu buumo.
Mu nsiku ya mpeleezio, kwakaba kwali musita waviizie saana. Paantu, bantu bakaba baitonene bo beene, . . . kabili, bila batona kunvuana ata kaniini.—2 Timoteo 3:1-3.
Atasie kine bantu bengi bali baikwinda saana kukwasia ma buteeko onvuane, keekio tekiizi kukitika. Bantu baalia bali ni maano apuseene ni a bange, bali bamona kyakolele, kabili nangue tekikitika kubombela pamo eevi bapuisie maavia. Bintu bili mukukitika, bili mukusininkizia beelia byaalandile Bibilia ntangia kale.
Muntu ali wamuteeka muntu mwinakue mu nzila ya kumukisia.—Kasimika 8:9.
Inzi, Bibilia ili yalanda buteeko bolia bwakaba kupuisia maavia. Bobo buteeko, butungulwilue na muntu olia ali ni buviinde bwa kupuisia maavia onse ali mukwemia bantu enu nsiku.
Kateeka apalile olia ali waemenana
Bibilia ili yalanda nangue Yesu Kristu, i ali ni buviinde bwibeleele bwa kupuisia aza maavia. Yesu ali ni maka, buviinde, ni nkulu ya kubaleetela bantu bonse buumo ni mutende.
Mu nsiku yakue, wa nsaambu wakaba kuvumba. Ni mutende wakaba kuvula.—Malumbo 72:7.
Ntundu yonse yakaba kumubombela.—Malumbo 72:11.
Yesu ni ntunguluzi aweeme, paantu ali waemena bantu, kabili atonene kubakwasia, aasa baalia bali mukuya bakitilua mu nzila ya kukoosiiziwa mukinzi.
Weene, wakamupususia mupabi ali mukulilila kukwasiiwa, ni muntu wa pansi pamo ni muntu yeyonse asili na wa kumukwasia. Wakonvuila nkumbu muntu wa pansi ni mupabi, kabili wakapususia bukose bwa bapabi. Wakabapususia mukutitikilua ni mukukitilua ovio, ni milopa yabo yakaba yali ya mana pa menso akue.—Malumbo 72:12-14.
Mana bingi palua Bukolo Bwakue Leeza, buteeko buli ku muulu buli mukuya bwatungululua na Yesu. Mona vya kunti ukite eevi unoonkelemo mu buteeko bwakue, kabili vya kunti ukwasieko ku butunguluzi bwakue.
Mona viideo ilandile Bukolo Bwakue Leeza Ni Kiki?
Soma lyasi lilandile “Ufalme wa Mungu—Serikali Yenye Haina Rushwa.”