Kukoonkana ni mpunda yaakileetua na Kuteania kwa Kyalo Kyonse Kuli Kwaemena Bukose ao OMS, pa nsiku 23 Muezi wa 05, 2022, mpendua ya bantu baakifua na birusi bya korona (COVID-19), yakifikiila kwaluka milioni sita ni bipande makumi abili na saba (6,27). Inzi, mu mpunda ya leenu yakifumiiwa pa nsiku 5 Muezi wa 05, 2022, Kuteania Kwa Kyalo Kyonse Kuli Kwaemena Bukose, kwakilanda nangue paange ezio mpendua ya bantu bafuile kunti yaya yapitile paapo kuvula. Ezio mpunda, yakilanda nangue kutendekela mu muaka wa 2020 mpaka kufikiila mu muaka wa 2021, “bantu baakifua lumo kwa lumo na korona ao mu nzila inge yakilengiiwa na kimina kya korona, bakifikiila milioni likumi na ina ni bipande kenda (14,9).” Eba, Bibilia ili yalandapo ni kantu palua azo masaanzo ali ationa mutima?

•    Yesu waalandile nangue kwakaba bimina ao maluele alekenkeene akolele saana. Ni azo maluele a kumoneka mu kipindi kili kyakuutua nangue nsiku ya mpeleezio.​—Luka 21:11; 2 Timoteo 3:1.

 Bukabika bwaalandile Yesu, buli mukufikiliziiwa enu nsiku. Eevi umane bingi, soma lyasi lilandile “Ni Nini Ishara ya ‘Siku za Mwisho’?”

•    Leeza Situe ao Baba weetu wa nkumbu . . . i ali watukwasia ao watukoselezia mu maavia etu onse.​—2 Bakorinto 1:3, 4.

 Bantu bengi baalia bali mukufuilua na bantu baalia babatonene, bali mukukoseleziiwa na mpunda ili mu Bibilia. Mana bingi mu lyasi lilandile “Namna ya Kupambana na Huzuni​—Mambo Yenye Unaweza Kufanya Leo” ni “Musaada wa Muzuri Zaidi kwa Wale Wenye Wamefiwa.”

•    Bukolo bobe buize. Kutona kobe kukitike paano pa kyalo nga vikuli mukukitika ku muulu.​—Mateo 6:10.

 Leenusie, Bukolo Bwakue Leeza bwakaba kusininkizia nangue te kuli mwikazi wakalanda nangue: Nduele. (Marko 1:14, 15; Isaya 33:24) Mona Viideo “Bukolo Bwakue Leeza Ni Kiki?” eevi umane bingi palua bobu buteeko buli ku muulu ni beelia bibwakaba kuiza kukita.

 Twakukupa usambilile eevi umane bingi palua Bibilia kumonasie weewe pamo ni lupua lobe munoonkelemo mu mulangue ulimo, ni mpaalo iweeme saana ilailue mu Bibilia.