Pa nsiku 24 Muezi wa 05, 2022, kintu kimo kyabiipile saana kyaakitikile mu muzi uniini wa Uvalde, ku Texas, mu Amerika. Kukoonkana ni kazeeti The New York Times, “mwalalume umo waali watueme bunduki, waaipaile banike 19 ni balimu babili banakazi na masasi . . . ku Masomo a Primere a Robb.”

 Kya bulanda, bintu bibiipile nga bebio, bili byakitikasie lingi. Kazeeti ka USA Today kalanda nangue mu Amerika sie bunke, “muaka wakipita, ku masomo kwakilasua masaasi mara mia ibili ni makumi ana na kenda (249). Kutendekela mu muaka wa 1970 eevi, tekinakitikepo kumona masaasi alasua ku masomo mara ingi eevi.”

 Juu ya ki beebi bintu bibiipile bili mukuya byakitika? Kunti twaviinda siani kusipikizia bintu bibiipile nga bebio? Eba, kuli ni nsaambu ili kutulengia tuswapile nangue bungipaani bwakaba kupua? Bibilia ili yaasuka bebio biipuzio.

•   Bibilia ili yakuuta keenu kipindi nangue nsiku ya mpeleezio. Kipindi kya kwalukamo bantu basuuleene kabili basasile, i kulanda nangue, bakita bintu bya bungipaani kabili bila nkumbu. Bantu bali ni mibeele nga ezio, kunti batwalilila mu kukita bibiipile mpaka bikilile kubiipa. (2 Timoteo 3:1-5, 13) Eevi umane bingi, soma lyasi lilandile “Je, Biblia Ilitabiri Mitazamo na Matendo ya Watu Leo?”

 Bantu bengi bali baiipuzia, ‘Juu ya ki Leeza teezi kukingilila bintu bibiipile saana nga beebi bya kulasa masaasi ku masomo eevi te kunti bikitike?’ Eevi upate kyasuko kya Bibilia, soma lyasi lilandile “Mambo Mabaya Yanafikia Watu Wazuri​—Sababu Gani?”

•   Byonse byaaleembelue kale mu Maleembo, byaalembeelue fwefue pakuti biye byatufunda ni kutukoselezia eevi tuye twateekameene ni kuya twali ni maswapi.​—Baroma 15:4.

 Mafunde a Bibilia, kunti akukwasia kusipikizia bobu bungipaani buli mukukitika mu kyalo. Eevi umane bingi, soma eezi Amkeni! ilandile “Je, Jeuri Itawahi Kwisha?”.

 Eevi kupata masoke ali kukwasia baviazi babakwasie baana babo baviinde kusipikizia muenzo walengiiwa na bintu bibamona ao mpunda ibaunvua, soma lyasi lilandile “Je, Taarifa za Habari Zenye Kuogopesha Zinawaathiri Watoto Wako?”

•   Wakabapususia mukutitikilua ni mukukitilua ovio.​—Malumbo 72:14.

•   Bakatila bipanga byabo ni kwalula nkasu ni mikuuki yabo kwalula bikwakua. Ntundu teikalendula kipanga juu ya ntundu inge, te bakasambilila kabili vita.​—Mika 4:3.

 Leeza wakaba kukita keelia kisiviinda kukita bantu. Bukolo bwakue, bwakaba kwinoona biluilo byonse ni kupuisia bungipaani bonse. Eevi umane bingi palua bintu byakaba kukitua na Bukolo Bwakue Leeza, soma lyasi lilandile “Chini ya Ufalme wa Mungu ‘Amani Itakuwa Nyingi.’”