Mu mpunda ya Muezi wa 06, 2022, mukulu wa banki ya mu kyalo kyonse, waakisoka walanda nangue, buikazi bwakila kabili kukola mwaya kyalo paantu bei ya bintu ili mukupiluka lubilo saana, kabili mu wenka ozo musita, bantu bakwetesie nfalanga iniini ya kusitilako bintu.

 Baalia bemaniine kabungue kali kaemena bintu bya nfalanga mu kyalo, bakilanda nangue “mafuta ao karbira pamo ni byakulia, bili mukupiluka bei lubilo saana, ni keekio kili mukulengia buikazi bwa bantu bekeele mu byalo bilimo bupabi bwakila kwavia.”

 Bibilia ili yatukwasia kumana juu ya ki tuli mukwaluka ni maavia a kupusua nfalanga. Kabili ili yatubuila vya kukita eevi tusipikizie azo maavia, kabili nangue kuli ni kiswapilo kya kulanda nangue azo maavia akapuisiiwa loonse.

•   Bibilia ili yakuuta keenu kipindi kitwikeelemo nangue nsiku ya mpeleezio.​—2 Timoteo 3:1.

•   Yesu waalandile nangue mpunda ya kuleetia muenzo ao bintu bya kutiinia, byakukitika mu keenu kipindi. (Luka 21:11) Bei ya bintu luili yapiluka saana, ili yalengia bantu baunvua muenzo. Bantu bali baunvua muenzo palua musita wabo uli waiza, ni kutwisika nangue, paange te bakaba kuviinda kubapeela bantu ba mu lupua lwabo bintu bibakebele.

•   Kitabu kya Nfyulo, kyaalandile ntaanzi nangue, mu keenu kipindi, bei ya byakulia yakapiluka. Naunvuile kintu kimo kyaunvuikile nga lizui. . . . Kyaalandile nangue kilo imo ya nghano ao kilo itatu ya shairi yakaba yasitua na malipo a busiku bwa lingi.​—Nfyulo 6:6.

 Eevi umane bingi palua nsiku ya mpeleezio ni bunabi buli mu kitabu kya Nfyulo, mona viideo Dunia Imebadilika Tangu 1914, kabili soma leeli lyasi lilandile “Wale Wapanda Farasi Ine—Ni Nani?”

•   Bakaba kukuula masesi ni kwikalamo, kabili bakaba kubyala mizabibu ni kulia mazabo akue. Te bakaba kukuula eevi muntu unge ekalemo, kabili te bakaba kubyala eevi bange balie.​—Isaya 65:21, 22.

•   Pakaba nghano ingi pa kyalo; ni pa kafinga ka mpili yakavula saana.​—Malumbo 72:16.

•   Yehova a walanda nangue, Paantu baalia bali mukukyuziiwa batitikiilue, paantu bapabi bali mukulila na misa, nakaba kwimana eevi kukita.​—Malumbo 12:5.

 Leenusie, Leeza wakaba kupuisia maavia a kupusua nfalanga, apanasie mu kyalo kimo inzi mu kyalo kyonse. Eevi umane Leeza vyakaba kukita evio, soma lyasi lilandile “Eba Kunti Kyakitika Bantu Bonse Baye Bali ni Buviinde Bumosie bwa Nfalanga?”

 Inzi atasie leenu, Bibilia kunti yakukwasia kusipikizia eezi aali ya kupiluka saana kwa bei ya bintu. Mu nzila ki? Mu Bibilia, muli masoke aweeme ali kukukwasia kubombia buino nfalanga yobe. (Tuswalo ni Mafunde 23:4, 5; Kasimika 7:12) Eevi umane bingi, soma lyasi lilandile “Ulinde Mali Yako” ni leeli lilandile “Jinsi ya Kuishi Ukiwa na Pesa Kidogo.”