Mu Muezi wa 07, 2022, mpunda yakilanda nangue mwaya kyalo, lyuza lisinakitikepo ata limo lyakilamo kupiluka:

•   “Luili mukupita mu kipindi kileepele kya bubili kya lyuza lipitiliile, China yasoka nangue, mukulinguila, mizi 70 yakaba kwaluka mu lyuza likililepo.”—Nsiku 25 Muezi wa 07, 2022, CNN Wire Service.

•   “Mililo ili mukuzambuka mu miitu ya mu Bulaya juu ya kipindi kileepele kya lyuza lipitiliile.”—Nsiku 17 Muezi wa 07, 2022, The Guardian.

•   “Nsiku ya Saba, mu mizi ingi ya mu États-Unis, mwakyaluka lyuza likata saana lisinakitikepo, musita lyuza lya mu kipua lulyakisalangana lyaya ku buala bwa Kutula Koba ku Mbali Lyezi, ni mu tuzonga twa Kusini ni twa ku Midwest.”—Nsiku 24 Muezi wa 07, 2022, The New York Times.

 Beebi byonse bili na mana ki? Eba, kunti yafikiila busiku bumo pa kyalo te kunti pakabe kwikalika? Bibilia ili yalandapo siani?

 Een. Bipindi bileepele bya lyuza lipitiliile mwaya kyalo, bipateene ni bintu byaalandile Bibilia ntaanzi nangue, byakukitika mu enu nsiku itwikeelemo. Kwa mufuano, Yesu waalandile nangue twakamona bintu bya kuleetia muenzo ao byeni kabili bya kutiinia. (Luka 21:11) Kupiluka kwa lyuza mwaya kyalo kuli mukulengia bantu bengi baunvua mwenzo ni kulanda nangue bintu bibali mukukita byakaba kwinoona kyalo.

 Bila. Leeza wabumbile kyalo eevi kiye kyali fuasi ya muyayaya ya kwikalapo bantu. (Malumbo 115:16; Kasimika 1:4) Takaba kulekelela bantu benoone kyalo. Inzi, alaile nangue wakaba kwinoona baalia bonse bali bainoona kyalo.​—Nfyulo 11:18.

 Monasie bintu bibili bilaile Leeza nangue wakaba kubikita ni byene ku kyalo:

•   Kaseeba pamo ni nkeende ya ku ntala byakasekelela. Lulambe lwa mu kaseeba, lwakasekelela ni kwalukamo maluba nga zafarani. (Isaya 35:1) Leeza takaba kulekelela kyalo kikabe kwaluka kaseeba kaalia kasiviinda kwikalwamo. Pakaako, wakaba kuwaamia ma fuasi a kyalo aalia ali mukuya ainoonua.

•   Uli waemena kyalo, ni kukilengia kiseeke mazabo engi kabili kinoonke saana. (Malumbo 65:9) Leeza wakaba kukita kyalo kikaaluke Paradiso.

 Eevi umane bingi palua kwaluluka kwa aali ya ewa vikuli mukufikilizia bukabika, soma lyasi lilandile, “Bibilia Ili Yalanda ki Palua Kwaluluka kwa Aali ya Ewa ni Musita Weetu uli Mukuiza?”

 Eevi umane bingi palua bulayo buli mu Bibilia bulandile nangue mazingira akaba kuwaamiiwa, soma lyasi lilandile, “Ni Nani Atakayeiokoa Dunia?”