Mu mwaka wa 2023, bantu basomeene bintu bya bukose bakifikiila kwinika nangue, aali ya kwinvua kuya wali bunke bwavia bukata sana ku bukose bwa muntu, bupalile kubombelwapo. Eba, kunti twavinda kulwisia bobu bwavia?

•   Dr. Vivek Murthy, wa mu U.S. ali wakita operasio, walanda evi: “Kwiunvua kuya wali bunke ni kwitenga na bantu bange kunti kwaleta bwavia bukata ku bukose ni nsansa yetu.” Inzi waongezia evi: “Tuli ni buvinde bwa kukitapo kintu kimo.” Tupalile kukita ki? “Tupalile kukita tuntu tukaniini kila busiku twakutukwasia kulumia burafiki bwetu pamo ni bange.” a

 Kwiunvua kuya twali bunke tekwizi kulengiiwa sie na kwitenga na bange. Bange kunti baiunvua kuya bali bunke ata sie musita ubali pamo ni bantu bengi. Ata sie kine ni kiki i kilengiizie tuye twaiunvuile kuya twali bunke, Bibilia kunti yatukwasia. Ili ni masoke ali abomba a kutukwasia kulwisia aali ya kwiunvua kuya twali bunke, kupitila kulumia burafiki bwetu pamo ni bange.

 Uye walanzyana bwino ni bantu bange. Kekio kibiikile mukati kubatwilizia bwino bange, apana sie kubabwila viwiunvwile. Luuli kukila kubapozako mano bange, uli kukila kulumia burafiki bobe pamo nabo.

•   Lifunde lya Bibilia: Twalilile kukeba apana sie faida yenu mwe bene, inzi ni faida ya bantu bange.​—Bafilipi 2:4.

 Uye wali ni barafiki ba aali ipuseene-pusene. Uye watonene kukita burafiki ni bantu bakulile ao banike kuli wewe, ao ba tubeelela tupuseene-pusene, ao bafumine mu byalo bipuseene-pusene.

•   Lifunde lya Bibilia: Izule sana mitima yenu.​—2 Bakorinto 6:13.

 Evi umane bingi palua namuna ya kukuzia burafiki bulumine pamo ni bange, soma lyasi lilandile, “Kutosheleza Tamaa Yetu ya Kuwa na Marafiki.”