KAMPANYE IIBELEELE
Maavia a Kupata Makuta—Bukolo Bwakue Leeza Bwakaba Kukita ki?
Ku bantu bengi mwaya kyalo, kikolele saana kupata makuta a kubakwasia mu buikazi—kabili keekio, kitwaliliile kukila kukola.
Kukoonkana ni mpunda ya leenu sie ya kyalo kyonse, a ilangiliile nangue bantu bali ni buviinde bwa kusita sie tuntu tuniini kukoonkana ni makuta sie aniini abali mukupata. Mpunda yakitubula nangue, kine tepakitilue kantu kwakaba kwaluka kupusana kukata, pakati ka baalia banoonkele ni bapabi, kabili ni buikazi bwa bantu bengi bali babomba pamo ni lupua lwabo, bwakaba kukila kubiipa kuliko ntanzi.
Eba, ma buteeko ali ni buviinde bwa kupuisia aza maavia a kupata makuta ao sie kuwaamia eezi aali?
Bibilia ili yalanda nangue kuli buteeko bolia buli ni buviinde, kabili bolia bwakaba kupuisia maavia onse a kupata makuta, kubiika mukati kupusana kuli pakati ka banoonsi ni bapabi. Ili yalanda nangue, Leeza wa ku muulu wakemika bukolo, buteeko bumo sie, bolia bwakaba kutungulula bintu byonse mu kyalo. (Danieli 2:44) Pensina bobo buteeko, te kuli muntu wakalabua ao kulekelelua. (Malumbo 9:18) Bukolo Bwakue Leeza bwakasininkizia nangue, bekazi bakue bapata beelia bibali nabio lazima eevi baye bali ni nsaansa. Bonse bakaaluka ni buviinde bwa kusekelela mpaalo iweeme ya miilo yabo ikolele.—Isaya 65:21, 22.
a Mpunda ya kyalo kyonse ya International Labour Organization ya mu 2022-23
Paange uli Kutona ni Eezi Mpunda
MAASI AVULIISIE
Eba Kunti Kyakitika Bantu Bonse Baye Bali ni Buviinde Bumosie bwa Nfalanga?
Kuli ni buteeko buli ni buviinde bwa kwimanina buino bintu bili byakitua ku kyalo, kupuisia bupabi bonse ni kupuisia lyemo palua nfalanga.
MASAMBILIZIO A BIBILIA A MUSINZI
Bukolo Bwakue Leeza Ni Kiki?
Mu miilo yakue ya kusimikila, Yesu wasambiliziizie saana palua Bukolo Bwakue Leeza kukila maasi aange oonse. Mu mamia a miaka iingi, basambi bakue bali mukupepa Bukolo boobo buize.
FWEFUE TULI BAANI?
Loomba Usambilile Bibilia
Saanga mafuunde kufuma mu Bibilia pa fuasi ni mu musita nga via uli kutona.
