Kukonkana ni mpunda ya lenu sie ya kyalo kyonse, a muntu umo pa bana eyunvwile kuya wali bunke.

•   “Ata sie kine uli waikala pi, ao uli na myaka inga, aali ya kwitenga na bange ili yakumia kila umo.”​—Mpunda kufuma kuli Chido Mpemba, kemanina mukwasi wa Kabungue ka pensina ka Kuteania kwa Kyalo Kyonse Kuli Kwaemena Bukose Palua Kukwasia Bantu Beekale Bwino Pamo ni Bange.

 Kupusana ni vili vyatontonkania bantu bengi, aali ya kwiunvua kuya wali bunke teizi kukumia sie bantu bakotele ao bantu bali baitenga ni bange, inzi kabili ezio aali ili yakumia ni bamisepuka, bantu bali ni bukose buli bwino, bantu bali bafikilizia bintu bingi ni bopile. Aali ya kwitenga ni bange ni kwiunvua kuya wali bunke ili yakumia sana bukose bwa muntu kimubili ni mu maano.

•   Dr. Vivek Murthy, wa mu U.S. ali wakita operasio, walanda evi: “Kwiunvua kuya wali bunke kubiikile mukati bintu bingi kukila sie pa kwiunvua ovio.” Waongezia evi: Nfua ilengiiziwe na kwitenga na bantu ipaleene sie ni elia ili mukulengiiwa na kupeepa sigareti 15 kwa busiku.”

 Kabumba wetu teezi kutona tuye twaitengele ni bange. Lyonse, Leeza atonene bantu basekelele buumo buweme bwa kuya bali pamo.

•   Lifunde lya Bibilia: Leeza waalandile: te kiweme abe mwalalume atwalilile kuya wali bunke.​—Kutendeka 2:18.

 Leeza atonene tukuzie burafiki pamo ni wene. Alaile nangue kine twaikwinda kumupalama wene, ni wene wakaba kutupalama.​—Yakobo 4:8.

•   Lifunde lya Bibilia: Bali ni nsaansa ni baalia bamanine bintu byabo bibakabiile kimupasi. Pantu bukolo bwa ku muulu ni bwabo.​—Mateo 5:3.

 Leeza atonene tuye twamupupa twali pamo ni bange. Kukita evio kuli kwalengia twiunvue kuya twali ni nsansa.

•   Lifunde lya Bibilia: Tutontonkaniiziane eevi tusonseziane mu ntono ni mu bikitua biweeme, bila kulekela kulonghaana lwa pamo, . . . inzi tuye twakinkiziana.​—Baebrania 10:24, 25.

 Evi umane bingi juu ya ki ni kintu kya mana kulwisia aali ya kwiunvua kuya wali bunke, soma lyasi lilandile, “Upweke Katika Ulimwengu Uliojaa Mawasiliano.”