TWALILILA KUYA WAKENTELE!
Bakasininkizia Bakue Yehova, Bali Batontonkania Siani Palua ma Milioni a Bayuda Baaipailue?—Bibilia Ili Yalandapo Siani?
Pa nsiku 27 Muezi wa 01, 2023, bantu bengi mu kyalo bakukita nsikunkulu ya mu kyalo kyonse ya kulanguluka ma milioni a Bayuda baaipailue. Bebio bintu bya bungipaani kabili byabiipile saana byaakitikile tepasyapitile miaka ikilile pa makumi saba na isano (75), kunti byakulengia waiipuzia eevi: Juu ya ki Leeza waalekeleele ma milioni a Bayuda baipaiwa?
Eevi umane beelia bili byalanda Bibilia, soma lyasi lilandile “Sababu Gani Wayahudi Wengi Waliuawa? Sababu Gani Mungu Hakuzuia Jambo Hilo?”
Bayuda baaemene saana paantu baaipailue bengi saana bila nsaambu. Ma milioni a Bayuda, baakitiilue mupaango ni kwipaiwasie na kabufue. Bantu ba mu bikundi binge, ni beene baakyuziiziwe ni kwipaiwa musita waali waipaiwa ma milioni a Bayuda. Pakati ka babo bantu, pabanga pali ni Bakasininkizia Bakue Yehova; beene baakyuziiziwe juu ya bintu bibaali bazumiine bili mu Bibilia.
Eevi umane bingi, soma lyasi lilandile “Ni Nini Kilichowapata Mashahidi wa Yehova Wakati wa Yale Maangamizi Makubwa ya Wanazi?”
“Musita uli waiza ni kiswapilo”
Bantu bengi bali baunvua muenzo nangue, kintu nga keekio kya kwipaiwa kwa ma milioni a Bayuda, kunti kyabuela kabili kukitika. Tuli mukutasia kumanana nangue, Bibilia ili yalanda nangue kwipaiwa kwa evio, tekukaba kukitika ata kaniini.
Yehova walanda eevi: Manine buino malanga andi mukutontonkania palwenu, malanga a mutende kabili apana a buavia, eevi kumipeela musita uli waiza ni kiswapilo.—Yeremia 29:11. a
Ezio milandu ili yatupeela kiswapilo, yakaba kufikiliziiwa kakiine musita Yehova Leeza lwakaba kupuisia bintu bibiipile, ni kuwaamia maavia onse ali mukuleetua na beebio bintu bibiipile. Leenusie, wakaba:
Kubafumiapo pa kyalo bantu babiipile baalia bali mukuya babakisia bange.—Tuswalo ni Mafunde 2:22.
Kubakosia bantu bonse baalia bali mukwema.—Nfyulo 21:4.
Kubabueziizia bukose bantu baalia bafuile eevi bakabe kwikala pa kyalo.—Yoane 5:28, 29.
Kunti waswapila ezio milandu ili mu Bibilia ili yatupeela kiswapilo ni kutukoselezia. Eevi umane juu ya ki kunti waswapila nangue ezio milandu yakaba kufikiliziiwa, twakukupa utendeke kusambilila Bibilia pamo ni fwefue bila kulipila.
a Yehova ni liina lya bunke lyakue Leeza.—Malumbo 83:18.
Paange uli Kutona ni Eezi Mpunda
MASAMBILIZIO A BIBILIA A MUSINZI
Sababu ya ki Leeza Alekeleele Bintu Bibiipile ni Maavia?
Bantu beengi bali baipuzia sababu yaki ku kyalo kwizuzi eevi bubiifi ni maavia. Bibilia ili yaleeta kyasuko kyaunvuikile buino kabili kili kya koselezia.
FWEFUE TULI BAANI?
Loomba Usambilile Bibilia
Saanga mafuunde kufuma mu Bibilia pa fuasi ni mu musita nga via uli kutona.
