“Kwinooneka saana kwa aali ya mazingira, kuli mukuleeta maavia engi ku bantu, ku mizi ni ku bintu byonse bili ni bukose. Milula ikata ili mukukila kusasa juu ya kwinooneka kwa mazingira, ili mukwinoona masesi ni buikazi bwa bantu mwaya kyalo. Mazingira mu lyezi ali mukuya aswela, ni keekio kunti kyalengia misango ingi ya bibumbua ikabe kufua.”​—Inger Andersen, kaleemba wa pensina pakue kaleemba mukulu wa Buumo bwa Ntundu, kabili kemanina wa UN palua Mupaango wa Mazingira, Nsiku 25, Muezi wa 07, 2023.

 Eba, ma buteeko akaba kuviinda kubombela lwa pamo, eevi kupuisia aza maavia akumeene mu kyalo kyonse? Eba, bali ni buviinde bwa kupuisia kakiine aza maavia?

 Bibilia ili yalandila palua buteeko bolia buli ni buviinde, kabili bwakaba kupuisia maavia onse a mazingira ali mu kyalo. Ili yalanda nangue, Leeza wa ku muulu wakemika bukolo, buteeko bolia bwakaba kuteeka ni kupuisia maavia onse ali mu kyalo. (Danieli 2:44) Pensina bobo buteeko bwakaba pa kyalo, tekuli ata muntu wakaleeta bubiifi ata bumo ao sie buinooni ku muntu unge ao ku kyalo.​—Isaya 11:9.