TWALILILA KUYA WAKENTELE!
Basayansi Basienia ku Ntaanzi Mukuuki wa Nsa ya Kwinoonenuapo Kyalo—Bibilia Ili Yalandapo Siani?
Pa nsiku 24 Muezi wa 01, 2023, basayansi bakilanda nangue Mukuuki wa Nsa, a wakila kusiena saana peepi ni midi ya busiku, keekio kyalangilila mpela ya kyalo.
“Ozu ‘Mukuuki wa Nsa’, ulangiliile buavia bwa bantu bwa kwiinoona bo beene. Nsiku ya Pili, basayansi bakisienia mukuuki wa nsa peepi saana ni midi ya busiku kuliko musita onse wakipita, juu ya bintu bili mukukitika nga evelia, vita ili mu Ukrainia, muenzo wa vita ya nyukilia, ni maavia ali mukulengiiwa na kwinooneka kwa aali ya ewa ya kyalo.”—AFP International Text Wire.
“Nsiku ya Pili, basayansi bakilangilila nangue ‘Mukuuki wa Nsa’ wakisiena saana kwasialasie sekonde 90 midi ya busiku ikumane, i kulanda nangue bantu bakila kupalama saana ku armagedoni.”—ABC News.
“Kikundi kimo kya basayansi ba mu kyalo kyonse, bali mukusoka balanda nangue, bantu kutwalilila kuya balipo kuli mu buavia bukata saana kuliko musita onse wakipita.”—The Guardian.
Eba, musita wa kwinoonenuapo bantu pamo ni kyalo kyetu wapalama? Eba, tupalile kunvua muenzo juu ya beelia byakaba kukitika musita uli mukuiza? Bibilia ili yalandapo siani?
Bintu bitupembeele bikabe kukitika musita uli mukuiza
Bibilia ili yalanda nangue, kyalo kyakaba kuya kyalipo loonse, kabili kwakaba kuya kwali ni bantu bakaba kwikala pa kyalo loonse. (Kasimika 1:4; Malumbo 37:29) Pakaako, bantu te bakaba kwinoona kyalo ao kukilengia kyaluke fuasi isiviinda kwikalapo kintu kili ni bukose.
Inzi, Bibilia ili yazimbula ni mpela. Kwa mufuano, ili yalanda nangue kyalo kili mukupita.—1 Yoane 2:17.
Eevi umane kine Bibilia ili yakeba kulanda ki luili yalandila palua mpela ya kyalo, soma lyasi lilandile “Eba, Kyalo Kyakaba Kupuasie Leenu? Apokalipsi Ni Kiki?”
Eevi umane beelia bili byalanda Bibilia palua musita wakaba kukitikilapo bintu mu kyalo musita uli mukuiza, soma lyasi lilandile “Mwisho wa Ulimwengu Utakuja Lini?”
Twalilila kuya wali ni malanga aweeme
Bibilia ili yatukwasia tutwalilile kuya twali ni malanga aweeme anzia maavia ali mu kyalo. Ili yatukwasia siani?
Bibilia ili yatupeela masoke aalia ali atukwasia mu buikazi bwetu bwa kila busiku. (2 Timoteo 3:16, 17) Kwa mufuano, soma lyasi lilandile “Jinsi ya Kudhibiti Wasiwasi” eevi umone Bibilia viili kukukwasia atasie kine mu buikazi muli maavia engi.
Bibilia ili yatupeela kiswapilo kya kisinka palua musita uli mukuiza. (Baroma 15:4) Bibilia ili yatubuila kakiine bintu beelia bituli kuya twaswapiile bikitike leenu ni beelia byakaba kukitika musita uli mukuiza. Keekio, kili mukutukwasia tutwalilile kuya twaswapiile anzia bintu bili mukuya byakitika mu kyalo enu nsiku.
Eevi Bibilia ikukwasie saana, tuli ni nsaansa ya kukukupa utendeke leelo kusambilila Bibilia pamo ni fwefue bila kulipila.
a “Nsa ya Mukuuki ili yalangilila busiku bwa kwinoonenuapo kyalo, iteaniiziwe eevi kubapasia bantu bamone vitwakila kupalama ku musita wa kwinoonenuapo kyalo kyetu na tekinolojia ibiipile ituli mukukita fwe beene. Ni kintu kya mufuano, kintu kya kutulangulusia maavia atupalile kwemena kine tutonene kuya twaikeele pa kyalo.”—Bulletin of the Atomic Scientists.
Paange uli Kutona ni Eezi Mpunda
MASAMBILIZIO A BIBILIA A MUSINZI
Sababu ya ki Leeza Alekeleele Bintu Bibiipile ni Maavia?
Bantu beengi bali baipuzia sababu yaki ku kyalo kwizuzi eevi bubiifi ni maavia. Bibilia ili yaleeta kyasuko kyaunvuikile buino kabili kili kya koselezia.
MASAMBILIZIO A BIBILIA A MUSINZI
Sababu ya ki Leeza Wabumbile Kyalo?
Kyalo kyetu kizuzimo bintu bifuaniine saana. Wakibiikile pa fuasi pafuaniine ni kwikeele kooba, kitingikilue buino saana, kabili ni lwendo lwakue lwa kuzyunguluka lupalile. Sababu yaki Leeza wapoozeleko saana maano pa kubumba kyalo?
FWEFUE TULI BAANI?
Loomba Usambilile Bibilia
Saanga mafuunde kufuma mu Bibilia pa fuasi ni mu musita nga via uli kutona.
