Kila muaka, Bakasininkizia Bakue Yehova pamo ni ma milioni a bantu babali bakupa mwaya kyalo, bali bakolonghana eevi bakite Kibukisio kya kulanguluka lufu lwakue Yesu nga vyaalaiziizie. (Luka 22:19) Keeki Kibukisio, kili kyatukwasia kutasia kintu kya mana keelia kyaakitile Yesu, musita lwaafumiizie bukose bwakue juu ya bantu. Kabili, Kibukisio kili kyalangilila kine ngeleelo ili na mana ki kuli fwefue, kutendekela loonu ni musita uli mukuiza.​—Yoane 3:16.

 Atasie kine weewe walonghaanako Kibukisio onu muaka ao abe, kunti wakita ki eevi unoonkelemo mu lufu lwakue Yesu lwa kufumia ngeleelo? Yesu waasambiliziizie nangue tupalile kukita beebi bintu bibili bya mana:

1.  1. Sambilila palwakue Leeza ni Yesu. Yesu waapepele kuli Baba wakue wa ku muulu walanda nangue, keeki kilangiliile bukose bwa loonse, bafikiile kukumana weewe, Leeza bunke wakisinka, ni olia uwaatumine, Yesu Kristu.​—Yoane 17:3.

2.  2. Kita kukoonkana ni beelia biuli wasambilila. Yesu waalandile nangue tupalile kubombia masambilizio akue mu buikazi bwetu. Kwa mufuano, mu milandu yakue ya kupeleezia mu Masambilizio akue a ku Lupili amanikile saana, Yesu wamutasia kila muntu olia ali waunvua milandu yakue ni kuinakila. (Luka 6:46-48) Kabili, musita unge waalandile nangue, kine mwamana beebi bintu, muli ni nsaansa kine mwabikita.​—Yoane 13:17.

Eba, kunti watona kumana bingi palwakue Leeza ni Yesu? Eba, utonene kupata masoke ali abomba a kukukwasia kubombia beelia biuli wasambilila? Paapa pensina, pali bintu paleepale bili kukukwasia upate azo masoke.

 Ntantiko yeetu ya kusambilila Bibilia pamo ni bantu bila kulipila, ili mukubakwasia bantu bengi batoosie Bibilia, ni kubombia mu buikazi bwabo beelia bibali basambilila.

•   Mona seemu ili mu jw.org ilandile, Sambilila Bibilia Pamo ni Mwalimu eevi umane bingi palua eezi ntantiko ya kusambilila.

•   Mona viideo ilandile Mwaiseni ku Lisambililo Lyobe lya Bibilia eevi umone kine Bakasininkizia Bakue Yehova bali basambilila siani Bibilia pamo ni bantu.

 Bakasininkizia Bakue Yehova, bali bakolonghana mara ibili kila mulungu mu fuasi yabo ya kupupila ili yakuutua Nsesi ya Bukolo. Ku kooko kulonghaana, tuli twasambilila Bibilia ni vya kubombia masambilizio alimo, mu buikazi bwetu.

 Kila muntu akupilue ayeko ku kooko kulonghaana, atasie kine weewe te uli Kasininkizia Wakue Yehova, ukupilue uyeko. Kukoonkana ni aali ili ku fuasi kuwikeele, kunti wapingula we mwine kuya kulonghaana ku Nsesi ya Bukolo ao wakoonka kupitila zoom.

•   Mona viideo ilandile Kiki Kiakitika ku Nsesi ya Bukolo? eevi umone mu kifupi bintu biuli kuya waswapiile ukabe kubimona byakitika ku kooko kulonghaana.

•   Eevi upate fuasi ibali balonghaaninamo, mona seemu ilandile Kulonghaana kwa Bakasininkizia Bakue Yehova.

 Maasi ni ma viideo engi ali mu keeki kitente, kunti akukwasia umane bingi palua beelia byaasambiliziizie Yesu, kabili juu ya ki lufu lwakue ni lwa mana.

 Kwa mufuano, eevi umane kine lufu lwa muntu umo kunti lwakwasia siani ma milioni a bantu, soma maasi alandile “Yesu Anatuokoa Namna Gani?” ni “Sababu Gani Yesu Aliteseka na Kufa?” ao mona viideo ilandile Sababu Yaki Yesu Wafuile?