TWALILILA KUYA WAKENTELE!

Ntensi ili Yainoona Yapita mu Uturuki ni mu Siria—Bibilia ili Yalandapo Siani?

PLAY

YAAKYALULUAKO PA: Nsiku 10, Muezi wa 02, 2023

Kufikiila Nsiku ya Ine, nsiku 09, Muezi wa 02, 2023, mpendua ya bantu bakifua na ntensi yaapitile Nsiku ya Kuanza mu Uturuki ni mu Siria, yaakipita pa makumi abili elufu (20 000). Makumi a ma elufu a bantu, baakikisika, ni ma mia a ma elufu a bantu, bakisiala bila masesi.

Tubungue tubili twa kukwasia basaanzilue twakitendekeziiwa na Bakasininkizia Bakue Yehova, tutwaliliile kufumia bintu bya kukwasia, kabili tuli mukukwasiako miilo ya kukeba ni kupususia bantu. (Bagalatia 6:10) Bakenzi kufuma ku biro ya musambo wa mu kaako kazonga, baakifika mwenka mu nsa makumi abili na ina (24) yakikitikilamo ntensi. Anzia kine aali ya ewa ni bulendo byakiba byakolele, baakiviinda kuteekia mutima ni kubakoselezia kimupasi baalia basaanzilue. (1 Petro 5:2) Mpunda ya leenu palua kwikwinda kwetu eevi kukwasia baalia basaanzilue, yakaba kubiikua mu Kiumba kya Mpunda.

Maleembo ali atusininkiziizia nangue Yehova a ali peepi ni baalia bali ni mitima ili ni bulanda; ali wapususia baalia basaansikile mu mutima. (Malumbo 34:18) Eezi mpunda iswapiile Bibilia ili paapa pensina, kunti yakukwasia mu onu musita wemiizie saana mu maano.

Viideo Kuteekiiwa Mutima kwa Baalia Bali Mukuloosia ili ni masoke ali akwasia ku baalia baakifwilua na batonua babo.
Lyasi “Wasaidie Watoto Wako Wasilemewe na Ripoti za Habari Zinazotisha” lili ni mafunde a Bibilia ali kuviinda kukwasia baana bobe tekuti bemiiwe saana mu maano na mpunda ibiipile.

Ya Kuanza, nsiku 06, Muezi wa 02, 2023, ntensi ili yainoona, yaakipita mu kyalo kya Uturuki ni mu Siria.

“Nsiku ya Kuanza, ntensi ikata yaakipaya bantu bakilile pa 3 700 mu seemu ikata ya Uturuki ni ya ku nkungua waya kuzika koba kwa Siria. Keekio, kyakikitika musita lukwakiba kwali kasama saana, kintu kyakilengia aali ikile kubiipa ku ma elufu a bantu baakikisika na ntensi ao kuzeezelua na masesi abo. Kabili kaako kasama, kaakilengia kikile kukola kupata bantu baakipusuka mu ntensi.”—Reuters, nsiku 06, Muezi wa 02, 2023.

Mitima yeetu ili yakisa lutwasoma mpunda palua masaanzo nga azo. Mu nsita nga eezi, kunti twamuswapila Yehova eevi atukwasie, paantu weene ni Leeza ali wateekiana mutima. (2 Bakorinto 1:3) Ali wateekiana mutima kupitila Maleembo eevi tuye twali ni kiswapilo.—Baroma 15:4.

Mu Bibilia tuli twasambilila:

Beelia byaalandilue ntaanzi palua ntensi.
Koolia kutuli kuviinda kuteekiiwa mutima ni kupata kiswapilo.
Leeza vyali wakaba kupuisia maavia onse.

Eevi kumana beelia bili byalanda Bibilia palua bebio bintu, soma aza maasi:

“Bibilia Yaalandile ki Ntaanzi Palua Ntensi Ikata?”
“Ninaweza Kupata Wapi Tumaini?”
“Hivi Karibuni, Mungu Atamaliza Mateso Yote”

a Yehova ni liina lya bunke lyakue Leeza.—Malumbo 83:18.

Paange uli Kutona ni Eezi Mpunda

MASAMBILIZIO A BIBILIA A MUSINZI

Sababu ya ki Leeza Alekeleele Bintu Bibiipile ni Maavia?

Bantu beengi bali baipuzia sababu yaki ku kyalo kwizuzi eevi bubiifi ni maavia. Bibilia ili yaleeta kyasuko kyaunvuikile buino kabili kili kya koselezia.

TWALILILA KUYA WAKENTELE!