Nsiku ya Tano, nsiku 24 Muezi wa 02, 2023, i muaka umo ntangia vita ibiipile saana itendeke mu Ukrainia. Kukoonkana ni mpunda paleepale, basoda mia itatu elufu (300 000) eevi, ba mu Ukrainia ni mu Urusi, baakiipaiwa ao kukisiiwa, kabili kimwenekele nangue, baraia makumi atatu elufu (30 000) eevi, baakifua na vita. Inzi, mpendua kunti yaya yapitile paapo.

 Kya bulanda, kimwenekele nangue eezi vita teikaba kupua leenu.

•   “Kwasiala muaka umo ukumane ntangia basoda ba mu Urusi bengile mu Ukrainia, tekuli bintu kakiine bilangiliile nangue eezi vita yakaba kupua leenu. Tekuli buala bumwenekele paswetele nangue bwakaba kuviinda eezi vita, kabili kimwenekele nangue buyantanzi palua kunvuana buliposie eevi-eevi.”​—NPR (National Public Radio), Nsiku 19, Muezi wa 02, 2023.

 Bantu bengi bali ni nsaambu ya kwiunvua bulanda juu ya misa ni bukyuzi buli mukupata bantu basili na kilubo, bulengiiziwe na eezi vita ni vita inge ili mukukitika mwaya kyalo. Bibilia ili yaleeta kiswapilo ki? Eba, kakiine, vita yakaba kupuapo busiku bumo?

 Bibilia ili yalanda palua vita elia yakaba kupususia bantu, apana kubenoona. Ezio vita imanikile kuya yali Armagedoni, kabili ilondolwelue kuya yali vita ya bolia busiku bukata bwakue Leeza wa Maka Onse. (Nfyulo 16:14, 16) Kupitila ezio vita, Leeza wakaba kupuisia buteeko bwa bantu, buli mukuleeta ma vita engi saana ali mukwinoona. Eevi kumana Armagedoni viyakaba kuleeta mutende wa loonse, soma aza maasi:

•   “Armagedoni Ni Nini?”

•   “Armagedoni Ni Habari Njema!”