Pa nsiku 24 Muezi wa 02, 2022, mu nsita ya lukele-keele, kisepe kya basoda ba ku Urusi kyaakitendeka kwingilila kyalo kya Ukrainia, anzia kine bakateeka bengi mwaya kyalo bali mukukita maka eevi keekio te kunti kikitike. Kooko kukanzana kwa bikundi bya basoda kunti kwaleeta ki mu kyalo? Sekretere mukulu wa Buumo bwa Ntundu (ONU), ali wakuutua António Guterres, waakilanda eevi mu nsiku iniini yaakipita: “Tetuviinda kulingilila maavia ni bwinooni byakaba kulengiiwa na kooko kusyunvuana, ni mutende viwakaba kuzeeza mu byalo bya mu Bulaya ni mu kyalo kyonse.”

•   Yesu Kristu waalandile ntaanzi nangue kuli musita ‘byalo lubyakaluisiania, bukolo lubwakasokozia bukolo nakue.’ (Mateo 24:7, Le Nouveau Testament en langue Kitaabua) Soma lyasi lilandile “Ni Biki bya Kumwenako ‘Nsiku ya Mpeleezio,’ ao ‘Nsita ya Mpela’?” eevi umone Bibilia viilangiliile nangue vita ili mukukitika loonu, ili mukufikilizia bukabika bwakue Yesu.

•   Kitabu kya Bibilia kya Nfyulo kipalaniizie vita na muntu apilukile pa farasi wa rangi ya mulilo, kabili ali mukufumia mutende pa kyalo. (Nfyulo 6:4) Soma lyasi lilandile “Bantu Bana Bapilukile pa Bafarasi—Ni Baani?” eevi umane bobo bukabika vibupateene ni vita ya enu nsiku.

•   Kitabu kya Danieli kyaalandile ntaanzi palua kusyunvuana pakati ka “likolo wa ku nkungua” ni “likolo wa ku nkungulua.” (Danieli 11:25-45, NWT) Mona viideo ilandile, Bukabika Bufikiliziiziwe​—Danieli Katue ka 11, eevi umane juu ya ki kunti twalanda nangue Urusi pamo ni bakwasi bakue i likolo wa ku nkungua. a

•   Kabili, kitabu kya Nfyulo kilondoluele palua vita ya busiku bukata bwakue Leeza Wamaka Onse. (Nfyulo 16:14, 16) Inzi, ezio te vita nga elia ituli mukumona loonu pakati ka ntundu. Soma lyasi lilandile, “Vita ya Armagedoni Ni Kiki?” eevi upate mpunda ingi palua keekio kintu kyakaba kukitika musita uli mukuiza.

•   Bibilia ilandile nangue Leeza wakaba kupuisia vita mu kyalo. (Malumbo 46:9) Soma lyasi lilandile, “Kiswapilo kya Kisinka Palua Musita Uweeme Saana Uli Mukuiza,” eevi umane mpunda ingi palua musita uli mukuiza ulaile Leeza.

•   Yesu waabasambiliziizie basambi bakue baye bapepa Bukolo Bwakue Leeza buize. (Mateo 6:9, 10) Bobo Bukolo, i buteeko bwa ku muulu bolia bwakaba kufikilizia kutona kwakue Leeza, kubiika mukati ni kuleeta mutende mu kyalo. Mona viideo ilandile Bukolo Bwakue Leeza Ni Kiki?, eevi umane kine bobo Bukolo kunti bwakukwasia siani weewe.

 Mu kyalo kya Ukrainia muli Bakasininkizia Bakue Yehova bakilile pa 129 000. Nga vili vyasaangua Bakasininkizia mu byalo binge byonse, Bakasininkizia Bakue Yehova bali mu Ukrainia, bakoonkele mufuano wakue Yesu kupitila kukaana kwiingizia mu politike ni kukaana kukwasia vita. (Yoane 18:36) Mu kyalo kyonse, Bakasininkizia Bakue Yehova, batwaliliile kusimikila “mpunda iweme ya Bukolo,” ni kulangilila nangue bobo Bukolo i bwakaba kupuisia maavia a bantu, kubiika mukati ni vita. (Mateo 24:14, Le Nouveau Testament en langue Kitaabua) Fwefue, twakukupa utukebe, eevi usambilile bingi palua mpunda ya kiswapilo ili mu Bibilia.