Aminabi machí chúriká nokiwá echoná japoná napawíliwa. Alí aa kumi napawí mulipi japoná mi bité.

Echi testigo Jeobá a napawí binesia Onorúami kitra osá napawí tarali niraa (Hebreos 10:24, 25). Sinéami napawima japi simánali, ata biné echi Biblia alí ta binériwa chúriká nijéwipa echi busuréliami japi aniwá echoná kiti né echi riká nokiboa japi aniwá echoná.

Echoná ko ayénachó náriwa alí tamujé ko aní japi ta machí, a nakiyáaká ayáwika sikala aní japi náriwa. Ma binepia wikaráliwa alí Onorúami yúa raʼicháliwa echi riká cho nokiwá ma suwéena.

Tasi testigo Jeobá bi napawí; japi simánali simama. Tasi bujéliwa moʼíachi alí tasi bilé simírima táami winomí.