Natáboré echi Jesús mukúala
Sábado 12 inárachi abril 2025
Sinibí bamíali echi testigo Jeobá newalá japalí Jesús mukuli. Echi riká ta noká jiti Jesús nuleli: “Sinibí jeʼná jerigá olasi mapurigátamo galá ʼnatabo tamí jiti” (Lucas 22:19).
Ata mi bayé jepuná napawíliwami.
Japi jaré machinali
¿Chu kilí rojorá?
Ne sojí bilé hora.
¿Kumi napawima?
Nari bilé testigo Jeobá jiti echi mi ruyema kumi nima.
¿Achi natétipo echoná moʼiyá?
Ke.
¿Achi bilé simírima táami winomí?
Ke.
¿Chúriká napáchika simiwá?
Ke me natéami ju japi we simárika niraa simama, nalí echi testigo Jeobá iʼwérili noká aʼlárika napáchika simíaya japi riká aní echi Biblia (1 Timoteo 2:9). Ke newalé japi uchabo napacha o sipucha japi we natéami ju.
¿Piri nokiwá japalí napawí newalamia echi Jesús mukúala?
Kulí chotásimia ko wikaráliwa, alí miná ko bilé testigo Jeobá raʼicha Onorúami yúa. Echoná jonsa ko, ati kipú bilé nawésali néeka echi Biblia japi ruyé chúsiá we natéami ju echi Jesús mukúala, alí chúriká tamó iʼwiri japi isili Onorúami alí Jesús tamujé jitra. Ma ku sunía ko, checho wikaráliwa alí Onorúami yúa raʼicháliwa.
Ami che machináliaká, leeri echi artículo “¿Chúsiá echi testigo Jeobá sinucho riká napawí jarecho religiones yúa newalamia echi Jesús mukúala?”.
¿Chu kabú nima echi jaréala bamíali japalí newalabo echi Jesús mukúala?
2025: sábado 12 inárachi abril.
2026: jueves 2 inárachi abril.
Ayénachó mi machináliré
NATÁBORÉ
Natáboré echi Jesús mukúala
Ata mi bayé jiti mi napawima tamujé yúa, jiti newalaba japi Jesús mukuli tamujé jitra. Ata binepa chúsiá mukuli Jesús alí chúriká pirélipa pe aminánami.
ESSENTIAL BIBLE TEACHINGS
¿Chúsiá mukuli Jesús?
Japi Jesús isili we natéami ju, ¿chúsiá mukuli Jesús?