“We mi jilí niraa inémiré leeria echi Biblia ke mi machisáaká chúriká mi leérima”, echi riká aní bilé remalí Will rewéami.

 ¿Ami kanílisa nili machiyá chúriká mi we kanílima leeria echi Biblia? Jepuná artículo mi iʼwírima.

•  Japalí mi leeria asisaa echi Biblia, natá japi mujé si echoná atí

•  Aa japi mi machinali

•  Japi aní jarecho kúruwi alí iwé

 Ami omeri jériká isiá:

1.   Natá chu iyiri relato mi leérinali. Ami omero leeria bilé relato japi ikili chabé, ayénachó japi riká aní bilé Evangelio, echi oselí japi raʼicha Jesús jitra, o bilé relato echi Biblia jitra japi chukú audio niraa, video ma, echoná jw.org.

2.   Leeri japi mi nátili leeria. Ami omeri mujé bineli ka leeria o mujé téemala yúa o echi amigos ma. Bilé ko omeri leeria japi ikísimi, alí jarecho ko leeria japi aní echi pagótami echoná relato.

3.   Ayénachó ami omero jériká isiá:

   •   Ami omero bilé iyóktami niwayá japoná mi ruyema japi chúriká ikili echi namuti echoná relato. Osá piri aniwáami ju echi iyóktami.

   •   Japalí mi leérisa bilé rijoi, mukí ma, japi a nijéwami nili, osá echi aʼláala namuti japi isili, chu isíami nili alí echi aʼláala namuti japi nareli Jeobá jitra.

   •   Leeri japi riká mi naria atiyá echi pagótami japi raʼicha echi Biblia. Alí nari chu ikili, piri isili alí chúsiá echi riká isili. Ayénachó nari jarecho pagótami japi echalí si mochili.

   •   Japalí mi leérisa bilé rijoi jitra, mukí ma, japi isini kaachi ke aʼlá isili, nárika isí: “Echi ko aʼlá isíami nísaká, ¿piri ikimeli?”. Japi riká echi Pedro, japalí anili japi ke machiyé Jesús (Marcos 14:66-72). ¿Piri isisa riweili Pedro?

   •   Ami nakiyáaká, osá japi mi isisa riweili ami bitélisaká japi riká mi leérili echoná relato, ayénachó osá japi mi biné (Romanos 15:4).

 Ami áasaká japi mi machinali ami aʼlá inámima japi mi leeri alí mi che wiká namuti we natéami binema.

 Japi riká aní Mateo 28:7 alí Marcos 16:7.

•    ¿Chúsiá Marcos osali japi Jesús newa ikimea echi discípulos “alí Pedro”?

•  Japi mi iʼwírima machiyá: Marcos ko ke asali echoná, nalí Pedro ko ruyeli japi ikili.

•  Namuti we natéami: ¿Chúsiá Pedro a we kanili machisá japi Jesús a ku inénali echi? (Marcos 14:66-72). ¿Chúriká newa isili Jesús japi aʼlá amigo nili Pedro yúa? ¿Piri mi isísaré jiti mi aʼlá amigo nima japi riká Jesús?

 Japalí mi leeri alí nata japi mujé si echoná atí alí ayénachó aa echi namuti we natéami, ami we kanílima leeria echi Biblia.