Wiká países echi gobierno nuleli echi pagótami japi ke mulíwisaré jarecho yúa alí japi ke napawima. Tamujé japi ta testigo Jeobá ju ata nijéwinali japi nulá echi gobierno nalí ti ke riwénali binea Jeobá jitra. Jiti la, echi congregaciones a nee bilé aplicación japi nirú echoná internet japi riká Zoom jiti napawipo videoconferencia niraa.

 Jiti ta aminabi napawipo, echi japi Aʼlá Niseri anili japi néema echi winomí japi nijíliwa jiti ralimea echi cuentas de Zoom jiti echi riká napawima echi hermanos echoná congregación. Jepuná ko we aʼlá iʼwiri jaré congregaciones japi ke omeri natetia 15 o 20 dólares japi ikí naté echi cuenta de Zoom. Jepuná congregaciones a néeli echi aplicaciones japi ke nateli, nalí kuabi pagótami omérili conectaria. Suwaba echi congregaciones japi nee echi cuentas de Zoom japi nateti echi organización, we aʼlá machí jépuká conectari alí wiká pagótami omeri bakiyá. Jipi ma nirú simírikami 65,000 congregaciones alí miná 170 países japi nee jepuná cuentas de Zoom.

 Echi congregación Kairagi, echomí Manado (Célebes Septentrional, Indonesia), ma ke nee echi aplicación japi ke nateli, nalí jipi ko nee bilé cuenta de Zoom japi nateti echi organización. Echi hermano Hadi Santoso jéaní: “Echi hermanos japi ke me machí néea echi computadora o tableta ma, a omero napawía jiti ma ke wisabé niraa bakí echoná napawíliwachi”.

 Lester Jijón, anciano ju echoná congregación Guayacanes Oeste, echomí Guayaquil (Ecuador), jéaní: “Jiti echi hermanos ke me olá winomí, jilí nirali natetia echi cuenta de Zoom jiti omérima napawía alí conectaria. Jipi ko matétarabá echi organización ata olá bilé cuenta de Zoom japi tamó iʼwiri jiti ta wiká conectáripo. Jipi ko ti a omero bayea wiká pagótami jiti si conectárima”.

 Johnson Mwanza, bilé hermano congregación Norte Ngwerere, echomí Lusaka (Zambia), osali: “Wisabé niraa wiká echi hermanos jéanili: ‘Echi Zoom japi natétili echi organización we tamó muliwi echi hermanos yúa, alí ayénachó echi riká ti machí japi Jeobá we tamó galé’”.

 Echi winomí japi nirú japi jitra iʼwíriwa jarecho hermanos japalí risoa ikí, echoná jonsa júuliwa jiti natétima echi cuentas de Zoom. Jepuná winomí a napabúliwa matétarabá sinéami echi pagótami japi nijili. Wiká jepuná winomí a júuliwa internet niraa, echoná página donate.pr418.com. Waʼlú matétarabá emi japi timí nijí echi winomí, japi ayénachó néeliwa iʼwírimia echi hermanos omáana Wichimóbachi piréami japi risoa ikí (2 Corintios 8:14).