Japi riká Jeobá ko we kanili bineria binoy puéblowala, echi organización niwali wiká escuelas japoná echi hermanos biné jiti omérima nokayá echi nóchali japi iyáliwa. Japi riká, a nirú echi Escuela japi biné echi Nawésami Raʼíchali Kalabé. Kulí bamíali japi simírili, echi Jeobá níwala organización aminabi we aʼlá bineri, ayénachó aminabi we aʼlá niwá echi kalí japoná biné. Echi riká nokiwá jiti echi binéami alí binériami we kanílika mochima echoná salón. ¿Chúriká ta nee echi winomí japi mi nijí jiti nokiboa jena namuti?

 Wiká bamíali jonsa echi escuelas teocráticas niwáliwa japoná biné echi testigo Jeobá alí japoná niwáliwa Asambleas. Nalí ne kulí jonsa niwáliwa o atéwiliwa wiká edificios japoná niwama echi escuelas teocráticas. ¿Chúsiá? Bikiá namuti jitra.

 Jiti we newaléliwa. Echi hermano Christopher Mavor, japi kuʼíriami ju echi Comité de Servicio Japi Aʼlá Niseri, anili: “Echi sucursales tamó aneli japi newaléliwa wiká hermanos alí hermanas jiti iʼwírima nawesa. Japi riká, bamíali 2019 echi sucursal echomí Brasil anili japi newaleli 7,600 hermanos alí hermanas japi simíali Escuela japi biné echi Nawésami Raʼíchali Kalabé, jiti nawisama japoná chéami nocha echi sucursal”. Echi sucursal echomí Estados Unidos ayénachó newalé wiká precursores japi aʼlá binéritami ju jiti nawisama echoná predicación pública especial en áreas metropolitanas, alí ayénachó japoná sea echi barcos alí echoná cárceles. Ayénachó newaléliwa hermanos japi nochama echoná Departamento Local de Diseño alí Construcción alí ayénachó echoná Comité de Enlace con los Hospitales. Alí echi hermanos japi simía echoná Escuela japi biné echi Nawésami Raʼíchali Kalabé, omeri nokayá jena namuti.

 Wiká solicitudes. Wikaná sucursales nolina wiká solicitudes hermanos níwala japi simánali escuelas, nalí ke nirú kumi binema. Japi riká echomí Brasil, echi sucursal nareli 2,500 solicitudes bilé bamíali bi. Nalí, japi riká ke sinéami moʼili echoná, echi sucursal ko nareli 950 hermanos bi.

 Japoná mochima echi hermanos, wabé aʼlárika nísaré. Japalí echi hermanos simía echi escuela japoná napawí echi testigo Jeobá o japoná niwáliwa echi asambleas, kochí jarecho hermanos bitélachi. Aʼlá ju echi riká nokayá japoná kuabi escuelas nirú bilé bamíali. Nalí japoná wiká nirú, ke aʼlá ju. Jiti la nátili japi néema echi kalí japi jawi mulipi japoná biné echi hermanos jiti echoná pirélima.

 Niwayá japoná pirélima alí binema 30 binéami alí echi binériami, wiká millones de dólares suwía suwinárika jaréanami.

 Echi escuelas ko nirú mulipi japoná nirú bilé waʼlú ciudad japoná simiri camión. Wabé aʼlá ju japi echi escuelas niwárami nima bilé ciudad japoná wiká publicadores nirú jiti echi achó nikúurima echoná escuela.

 Echi kalí ayénachó olá jarecho si namuti, japi riká bibliotecas, japoná mochía binema, computadoras alí impresoras. Ayénachó a nirú biléana japoná echi binéami alí echi binériami omeri napawika koʼyá. Alí nirú biléana japoná echi hermanos omeri riʼea.

 Nalí wabé natéami ko ju japoná echi hermanos biné. Troy, bilé hermano japi nocha echoná Departamento Mundial de Diseño alí Construcción echomí Warwick (Nueva York), aní: “Ata aneki echi Departamento de Escuelas Teocráticas japi tamó ruyema chúriká niwabo japoná binema echi hermanos. Echi hermanos ko tamó aneki japi chu chulú nima echi salón. Ayénachó chu kipu focos olama alí echi equipos de audio alí video”. Japi riká jipi ko ma nirú echi equipo de audio, Zoltán, bilé binériami echi Escuela japi biné echi Nawésami Raʼíchali Kalabé echomí Hungría, aní: “Bachá ko, japalí ti kecho bijí olayé micrófonos, ata anéi echi binéami japi we jiwérika raʼichama. Nalí jipi ko ma ke echi riká ju, jiti nirú bilé micrófono ibili mésachi”.

 ¿Chu nili echi binéami alí echi binériami jena namuti jitra? Angela, japi simili echi Escuela japi biné echi Nawésami Raʼíchali Kalabé echomí Palm Coast (Florida, Estados Unidos), aní: “Ata we kanila mochili jiti suwaba we aʼlárika niwárami ju. Echi salón alí japoná ta kochí. Echi riká ata omeri we aʼlá binea”. A Csaba, bilé binériami echoná escuela echomí Hungría, echi ko we kanili koʼyá echi binéami yúa. Jériká aní: “Echi riká echi binéami ko tamó ruyé japi riká pireili. Alí echi riká, ata aʼlá machí alí ata omeri bineria japi echi newalé”.

 Echi binéami alí echi binériami iné jepuná kalí japi riká bilé chiliwé japi nijili echi “Walúala Binériami”, Jeobá (Isaías 30:20, 21). Japi riká, echomí Filipinas atéwili bilé edificio jiti néema japi riká escuela. Bilé hermana japi sunili echi Escuela japi biné echi Nawésami Raʼíchali Kalabé echoná, aní: “Japoná ti bineli, ke ti binéami bi ka nílitili, nalí nílitili japi riká ko bayérami Jeobá jitra. Echi ko nakí japi ta we kanílika mochibo japalí ta we aʼlá biné echi raʼicháala”.

 Matétarabá jiti timí nijí winomí, echi riká ati omeri niwayá alí atewia japoná nima echi escuelas alí tibúa japi ta ma olá. Wiká jepuná winomí a nijíliwa echoná página donate.pr418.com. ¡Waʼlú matétarabá jiti timí nijí!