Sinibí bamíali, wiká hermanos japi nocha japi riká siervos especiales de tiempo completo omáana Wichimóbachi piréami, simía echoná Escuela Bíblica de Galaad de la Watchtower, niwaliwa echomí Centro Educativo de la Watchtower echomí Patterson (Nueva York). a Jena escuela, echi binéami biné japi chúriká aʼlá nóchilima Jeobá. Japi biné echoná escuela, nikuuro jiti iʼwírima echi hermanos echoná congregaciones alí sucursales omáana Wichimóbachi nirúami.

 Galaad ko ju bilé escuela japi sinéami hermanos omero simíaya. Echoná clase 147, echi bamíali 2019, nirú 56 binéami 29 países piréami. Echi binéami japi simiba echoná escuélachi ko ju, betelitas, echi japi julárami ju nawisánilia jarecho países, precursores especiales o superitendentes de circuito.

 Japalí kecho chotásiwa niwayá echi escuela echi hermanos ko ma we nocha. Echi Departamento de Viajes de la Central Mundial ralali echi boleto de avión japi ma bayérami nili echoná escuela. Japi riká echi clase 147, simiyá echoná escuela alí ku simiyá bitichí, nateli 1,075 dólares ibili niraa echi binéami japi miká piréami nili. Echi binéami japi piré echoná islas Salomón echi ko chapili naó aviones jiti nawama echoná Patterson, alí chapili bikiá aviones ku simía echoná bitélachi. 35,400 kilómetros nili (22,000 millas). Echi ko natétili 2,300 dólares ibili binéami. Jiti ke me suwábima wiká winomí, echi Departamento de Viajes nee bilé programa de computadora japi amí chu iyiri boletos ke me natéami ju. Tákoré ma olayé bilé reservación, nalí be, echi programa amí tarali niraa o mechá niraa boletos japi ke me natéami ju. Echi Departamento de Viajes nee echi puntos echi boletos japi nijí jaré hermanos jiti ke me natéami nima.

 Wiká binéami newalé bilé visa jiti omérima simiba echomí Estados Unidos. Jiti bela, echi Departamento de Asuntos Legales kuʼiro jiti echi binéami olama bilé visa, echi ko nateli 510 dólares ibili binéami niraa.

 ¿Piri ka ti biné echi binéami jitra japi simía echoná Galaad? Echi hermano Hendra Gunawan, japi anciano ju echoná congregación echomí Sureste Asiático, echoná nawali bilé niwíkami japi ma sunili echi Escuela Galaad. Echi ko aní: “Chabé ko ke nirúe precursores regulares jenaʼí congregación. We be nalí, japalí sili echi niwíkami, echi ko iʼwírili jarecho jiti iʼwérika nochama, jiti echi riká nokali jarecho si nili precursores. Alí, pe aminánami bilé hermana japi napawí jenaʼí si congregación simili echoná Escuela japi biné echi Nawésami Raʼíchali Kalabé”.

 Echoná sucursal Sureste Asiático, Sergio Panjaitan ko nocha echi hermanos yúa japi ma simíbami ju echoná Galaad. Echi ko aní: “Japi bineli echi hermanos echoná Galaad we aʼlá ju echi jitra alí ayénachó tamujé jitra. ¡Wiká namuti bineli! Echi ko ke niráami nili, alí tamo bineri japi bineli. Echi ko tamujé iʼwérili iyá, alí ayénachó tamujé iʼwérili iyá jarecho”.

 ¿Chúriká nateti suwaba echi namuti echoná escuela? Echi ko natétili echi winomí jitra japi nijí sinéami echi hermanos. Wiká jepuná winomí a nijíliwa echoná página internet donate.pr418.com. Matétarabá jiti timí we kanílika nijí, echi riká a omérili niwayá echi escuela jiti sinéami echi hermanos suníami piréami a oméroma binea.