¡SINIBÍ SAYEKA MOCHIBO!
2022: Bilé bamíali we jilírami | ¿Piri aní echi Biblia?
Echi bamíali 2022 a niruili wiká noticias we chati, japi riká guerras alí japi wiká pagótami ke olali winomí alí wiká desastres. Echi Biblia bi ruyé chúsiá echi riká ikí.
Japi ikísimi jipi bamíali 2022, ¿piri aniwáami ju?
Suwaba japi ikísimi na bamíali néwariwéliti japi ta jubáami rawé piré japi riká aní echi Biblia (2 Timoteo 3:1). Echi jubáami rawé ko a chotásili echi bamíali 1914. Iné suwaba echi namuti japi ikísimi alí japi anili echi Biblia japi ikimea riweili.
Guerras (Mateo 24:6).
“Echi bamíali 2022: Checho ku we majaa pireili echoná Europa echi guerra jitra”. a
Iné echi artículo “Rusia chotasi nakoa Ucrania yúa”.
Lochéwami (Mateo 24:7).
“Bamíali 2022: Ke siné echi yena lochéwami niruili”. b
Iné echi artículo “Echi guerra echomí Ucrania isimí japi ke nirúlima koʼwáami omáana Wichimóbachi”.
Nawilí (Lucas 21:11).
“Echi nawilí polio riwéami, checho ku machínili alí wiká nayú echi viruela del mono jitra alí echi COVID-19. Suwaba jepuná jitra, ata machí japi echi nawilí we chati ju jiti ta chiwí echi nawilí alí wiká suwí”. c
Iné echi artículo “6 millones pagótami suwili COVID jitra”.
Majáriami namuti (Lucas 21:11).
“Echi bamíali 2022 uchíi jenaʼí kawichí we ratali alí uchíi ke ukuli, alí uchíi ko waʼlú ukuli alí uchíi ikótili. Jiti la we cha riká wilí jenaʼí kawichí, wiká suwili alí wiká jarecho ko jaréanami simíali pirélisia”. d
Iné echi artículo “Omáana Wichimóbachi we ratabásimi”.
Echi pagótami we naʼawi (Lucas 21:9).
“Echi pagótami ko we naʼawi jiti ke olá winomí alí jiti we naté echi namuti. Jiti la, wiká pagótami wisabé niraa napawí anemia echi gobierno japi ke aʼlá nuláami ju. Jarecho bamíali ke me echi riká nokali”. e
Iné echi artículo “Omáana Wichimóbachi suwaba namuti we natijí”.
Biléala bamíali ko, ¿piri ikiméaré?
Ke bilé machí piri ikimea echi bamíali 2023. Nalí, ata machí japi echi Onorúami Gobiérnowala japi nulama ripá jonsa, isima wiká namuti aʼláala jenaʼí kawichí (Daniel 2:44). Echi gobierno ko suwábima suwaba echi namuti japi isimí japi ta risoa nílipo alí japi ikimea japi Onorúami nakí jenaʼí Wichimóbachi (Mateo 6:9, 10, TNM).
Ati emi ané japi timí nokiboa japi riká anili Jesús, japi ta aʼlá nátaka mochísaré jiti ta machiboa chúriká japi echi Biblia aní a ikísimi (Marcos 13:37). Périkó tamó ruyé ami aminabi machináliaká japi chúriká echi Biblia jipi mi iʼwírima alí chúriká mujé alí mujé téemala pe aminana we aʼlá pirélima.
a Jill Lawless: “2022 Was Year the Horror of War Returned to Europe”, AP News, 8 inárachi diciembre 2022.
b “Una crisis alimentaria mundial”, Programa Iʼwírimia Omáana Kawichí Koʼwáami jitra.
c Lawrence O. Gostin, JD: “Living in an Age of Pandemics—From COVID-19 to Monkeypox, Polio, and Disease X”, JAMA Health Forum, 22 inárachi septiembre 2022.
d Martina Igini: “What’s Behind the Record-Breaking Extreme Weather Events of Summer 2022?”, Earth.Org. 24 inárachi octubre 2022.
e Thomas Carothers alí Benjamin Feldman: “Economic Anger Dominated Global Protests in 2022”, Carnegie Endowment for International Peace, 8 inárachi diciembre 2022.
Ayénachó mi machináliré
ESSENTIAL BIBLE TEACHINGS
¿Piri ju echi Onorúami Gobiérnowala?
Japalí Jesús biteili jenaʼí wichimóbachi echi ko sinibí binérili japi isima echi Silíami japi Onorúami wilama. Wiká pagótami tani Onorúami jiti ma mulipi nulama echi Silíami jenaʼí wichimóbachi.
MACHÍ JAPI TA NOKÁ
Taa jiti bilé testigo Jeobá simea mi binérisia
Che biné japi aní echi Biblia alí echi testigo Jeobá jitra.
