¡SINIBÍ SAYEKA MOCHIBO!
2023: Bilé bamíali we jilírami | ¿Piri aní echi Biblia?
Japi ikili omáana Wichimóbachi echi bamíali 2023, néwariwéliti japi ta piré japi echi Biblia riwewi “waminánomí rawé [o jubá rawé]” (2 Timoteo 3:1). Japi riká ikí jipi, a ju japi riká anili echi Biblia. Iné jaré ejemplos.
Echi Biblia anili japi ikimea riweili omáana Wichimóbachi
“Echalítamo námabo wikabé sontarsi nakóami raʼichálawachi. Ayena chótamo námabo wikanáami nakónalawachi” (Mateo 24:6).
“A nirú wiká nakóliami omáana Wichimóbachi”. a
Iné echi artículos “¿Jépuká tibuma echi pagótami?” alí “Echi winomí japi ikí suwía echoná guerra omáana Wichimóbachi simírikami ju 2 billones de dólares”.
“Alí wikanáami wabé nokomea jeʼná kawí” (Marcos 13:8).
“Inárachi enero aminá diciembre bamíali 2023, a niruili omáana Wichimóbachi 13 waʼlú terremotos. Pe kuabi bamíali nili japi riká jena bamíali”. b
Iné echi artículo “Terremotos we chati echomí Turquía alí Siria”.
“Wikabé riwimea wabé majajáriami namuti” (Lucas 21:11).
“Jipi ma sunili echi calentamiento global. Alí jipi ma chotásima echi ebullición global” (António Guterres, secretario general de las Naciones Unidas). c
Iné echi artículo “Bamíali 2023 we ratá omáana Wichimóbachi”.
“Wikabé pagótami ne wabé ʼlochema” (Mateo 24:7).
“2023: Bilecho bamíali japi we jilírami ju echi pagótami jitra japi we jilí niraa jiti olama echi koʼwáami”. d
Iné echi artículo “Echi guerra alí echi cambio climático isimí japi ke me nirúlima koʼwáami omáana kawichí”.
“Echalí wabé waminánomí rawé siʼnéami mapu ikí galá bichíiko Riosi ne wabé risúu olárami níima” (2 Timoteo 3:1).
“Japoná nirú osá naó pagótami, bilé ju japi olá bilé nayulí echoná mochokóala”. e
Iné echi artículo “Namuti jilírami japi ikí echi kúruwi alí iwé”.
¿Piri ikimea bamíali 2024?
Ke bilé machí japi ikimea echi bamíali. Nalí suwaba namuti japi ikí jipi, néwariwéliti japi echi Onorúami Gobiérnowala ma mulipi iyema echi isélikami japi nulá jenaʼí Wichimóbachi alí suwábima suwaba echi namuti japi tamó risoa níliti (Daniel 2:44; Apocalipsis 21:4).
Nalí jipi ko, ati omero nikúurola tania Jeobá japalí ta risoa nili. Echi Biblia aní:
“Japalí ni majaa nili, nijé ko mi bichiwi” (Salmo 56:3).
¿Chúriká ta néwariwéliti japi ta a bichiwi Onorúami? Mi ta bayé japi mi inema japi aní echi Biblia chúriká Onorúami suwábima echi risoa níliwami. Taa jiti bilé testigo Jeobá simea mi binérisia jiti mi machimea chúriká japi aní echi Biblia mi iʼwírima alí mujé téemala.
a Foreign Affairs, “A World at War: What Is Behind the Global Explosion of Violent Conflict?” (Un mundo en guerra: ¿Qué hay detrás de la explosión mundial de conflictos violentos?), Emma Beals alí Peter Salisbury; 30 inárachi octubre 2023.
b Noticias de terremotos, “2023: La cantidad de grandes terremotos pronto batirá récords”; mayo inárachi 2023.
c Naciones Unidas, “Secretary-General’s Opening Remarks at Press Conference on Climate” (comentarios del secretario general sobre el clima en una rueda de prensa); 27 inárachi julio 2023.
d Programa Mundial de Alimentos, “Una crisis alimentaria mundial”.
e Organización Mundial de la Salud, “Día Mundial de la Salud Mental”; 10 inárachi octubre 2023.
Ayénachó mi machináliré
ESSENTIAL BIBLE TEACHINGS
¿Piri ju echi Onorúami Gobiérnowala?
Japalí Jesús biteili jenaʼí wichimóbachi echi ko sinibí binérili japi isima echi Silíami japi Onorúami wilama. Wiká pagótami tani Onorúami jiti ma mulipi nulama echi Silíami jenaʼí wichimóbachi.
MACHÍ JAPI TA NOKÁ
Taa jiti bilé testigo Jeobá simea mi binérisia
Che biné japi aní echi Biblia alí echi testigo Jeobá jitra.
