¡SINIBÍ SAYEKA MOCHIBO!
¿Achi nirúlima guerra ma mulipi omáana Wichimóbachi? | ¿Piri aní echi Biblia?
Echi 30 bamíali japi ma simárili, wiká pagótami nátili japi omáana wichimóbachi ati we kilí piré. Nalí be, japi ikísimi jipi rawé néwariwéliti japi wabé cha ikísimi:
“Echomí Gaza nirú guerra, alí Israel alí Hizbulá ayénachó nakó echomí Líbano. Jepuná isima japi jaréanami ayénachó nirúlima guerra” (Reuters, 6 inárachi enero 2024).
“Irán nakónali echi países yúa japi nirú echomí Occidente, nalí Rusia alí China iʼwírinali Irán. Echi pagótami chati Irán nirúami nakowi jaréanami, alí ayénachó checho ku chotásili niwayá armas nucleares” (The New York Times, 7 inárachi enero 2024).
“Rusia aminabi nakó Ucrania yúa, jiti la jilí ju alí aminabi risoa ikí echoná Ucrania” (UN News, 11 inárachi enero 2024).
“Jiti echomí China nirú wiká winomí alí armas, alí jiti echi gobierno echomí Taiwán we jiwérami nílisimi, alí jiti Pekín alí Washington ke katúwika noká anakupi niraa, jepuná isima japi ma mulipi nirúlima guerra” (The Japan Times, 9 inárachi enero 2024).
¿Achi aní echi Biblia echi namuti jitra japi ikísimi jipi jenaʼí Wichimóbachi? Alí jepuná japi ikísimi jipi rawé, ¿achi isima japi nirúlima guerra omáana Wichimóbachi?
Echi Biblia anili japi ikimea riweili jipi
Echi Biblia ko ke anili chu iyiri guerras nirúlima. Nalí be, echoná anili japi a nirúlima riweili guerras alí japi “ke wesi jenaʼí wichimóbachi piréami waminabi kilí ologá pirélama [riweili]” (Apocalipsis 6:4).
Echi Biblia echoná Daniel anili japi “kuwachimi rawé” echi weli jáwami, japi we natéami ju omáana Wichimóbachi, “nikoma” riweili anakupi niraa jiti nulama. Ayénachó ruyeli japi wiká sontarsi nakoma riweili alí japi wiká winomí suwábima riweili echoná guerra (Daniel 11:40, 42, 43).
Ma mulipi nirúlima bilé guerra
Echi Biblia aní japi bachá ikimea wiká namuti chati alí miná ko ma ti kilí pirélipo. Jesús anili japi “jenaʼí wichimóbachi piréami pagótami ne wabé simírami risúu nílama” o japi nirúlima gran tribulación (Mateo 24:21). Ma sunisa echi gran tribulación, chotásima bilé guerra japi Onorúami níwala ju, Armagedón riwéami (Apocalipsis 16:14, 16).
Echi guerra Armagedón ke suwábima sinéami echi pagótami, nalí niyúbima. Echi riká Onorúami suwábima echi gobiernos jenaʼí Wichimóbachi nirúami, japi noká japi wiká guerras nirúlima. Jiti mi machimea chúriká echi guerra Armagedón tamó iʼwírima kilí alí sinibí pirelia, leeri jepuná artículos:
Ayénachó mi machináliré
ESSENTIAL BIBLE TEACHINGS
¿Chúsiá niwali Onorúami echi Wichimóbachi?
Suwaba namuti japi ikí nirú jenaʼí Wichimoba we baʼóami ju. Echi rayénali alí echi kawí niwárami nili jiti ta kanílika pirélipa, ¿chúsiá niwali Onorúami echi Wichimóbachi?
MACHÍ JAPI TA NOKÁ
Taa jiti bilé testigo Jeobá simea mi binérisia
Che biné japi aní echi Biblia alí echi testigo Jeobá jitra.
