24 inárachi enero 2023, echi científicos anili japi echi Reloj del Juicio Final a aminabi we mulíwili nasipa rokó, japi aniwáami ju japi ma mulipi najunárami nima jena wichimoba.

•   “Jena tarali martes rawé, echi Reloj del Juicio Final japi aniwáami ju japi ma mulipi najunárami nima jena wichimoba, aminabi we mulipi wilíali nasipa rokó jiti nirú nakóliami echomí Ucrania, bombas nucleares alí we ratabásimi” (Servicio internacional de noticias de la agencia AFP).

•   “Martes rawé, echi científicos anili japi echi Reloj del Juicio Final mulíwili bilé minuto nasipa ma mulipi nasipa rokó, echi riká ma néwariwéliti japi ma mulipi ju echi Armagedón” (ABC News).

•   “Jaré científicos aní japi echi pagótami ma mulipi suwábitami nima” (The Guardian).

 ¿Achi ma mulipi suwibárami nima echi pagótami alí jena wichimoba? ¿Ati majásaré japi ikimea pe aminana? ¿Piri aní echi Biblia?

 Echi Biblia aní japi “echi wichimoba ko ke siné suwábitami nima” alí japi nirúlima pagótami japi “sinibí pirélima echoná” (Eclesiastés 1:4; Salmo 37:29). Jiti la ti machí japi echi pagótami ke najunama jena Wichimoba alí kecho nokimea japi ke wesi omérima pirea jenaʼí.

 Nalí echi Biblia a aní japi echi namuti sunima. Japi riká, aní japi “jeʼná kawí waminá suwibásimi” (1 Juan 2:17).

•   Ami machináliaká japi aní echi Biblia japalí raʼicha japi suwibásima echi namuti jenaʼí nirúami alí echi pagótami, leeri echi artículo “¿Se acerca el fin del mundo? ¿Qué es el apocalipsis?”.

•   Jiti mi binema japi aní echi BIblia japi ikimea pe aminana jenaʼí Wichimóbachi, leeri echi artículo “¿Cuándo será el fin del mundo?”.

 Echi Biblia tamó iʼwírima jiti aʼlá natabo chíkoré nirú chati namuti jenaʼí wichimoba. ¿Chúriká?

•   Echi Biblia tamó busuré iyá (2 Timoteo 3:16, 17). Jiti mi inema chúriká echi Biblia mi iʼwírima jiti aʼlá natama chíkoré ikí namuti chati, leeri echi artículo “Qué puedo hacer para no preocuparme tanto”.

•   Echi Biblia nijí buyelíwami japi ikimea pe aminana (Romanos 15:4). Echi ko we aʼlá ruyé japi ikimea ma mulipi alí pe aminana, alí jepuná tamó iʼwiri jiti ta anachabo echi namuti chati japi ikí omáana Wichimóbachi.

 Jiti mi we aʼlá binema echi Biblia, mi ta bayé jiti mi binema tamujé yúa ke natétika.