Suwaba echi noticias raʼicha japi echi pagótami we kichika piré anakupi niraa jiti ke chopi iyiri ju alí ayénachó aní japi we nirú guerras.

•   “Jiti echoná Israel alí Gaza nakoa piré, jipi ko echoná redes sociales we nirú noticias japi ruyé japi echi pagótami we anakupi kichika piré” (The New York Times, 15 inárachi noviembre 2023).

•   “7 inárachi octubre jonsa aminabi we cha ikísimi jenaʼí Wichimóbachi, japi riká we nirú pagótami japi we nakichía piré jarecho japi sinúrika ju echi yúa, nirú nawésali japi aní japi we kichí jarecho alí we nakoa piré jiti we kichí anakupi niraa” (Dennis Francis, japi ju presidente echoná Asamblea General de las Naciones Unidas, 3 inárachi noviembre 2023).

 Echi nawésali japi ruyé japi we nakichí jarecho, isimí japi we nirúlima nakówami alí guerras, alí jepuná ko ma chabé jonsa niruili. Echi Biblia ko raʼicha rejoy jitra chabé piréami japi iʼwírili echi guerra alí japi echi namuti japi echi anijoli, echi ko nili japi riká jowá (Salmo 64:3; 120:7; 140:1). Echi Biblia ayénachó ruyé japi echi namuti japi jipi ikí we natéami ju.

 Echi Biblia ruyé okuá namuti chúsiá jipi echi pagótami we nakichía piré.

1.  1. Anili japi sibama siné rawé japalí wikabéala echi pagótami ke galéami nima anakupi niraa (Mateo 24:12, TNM). Jiti la jipi echi pagótami we nakichika piré (2 Timoteo 3:1-5).

2.  2. Echi Biblia ko aní japi sinéami “jenaʼí wichimóbachi piréami [...] waminá omératami ju echi riablo jiti” (1 Juan 5:19; Apocalipsis 12:9, 12). Jiti la jipi we nirú nakichíwami.

 Echi Biblia ko aní japi Onorúami ma mulipi isima japi ma ke nirúlima echi nakichíwami alí isima japi ma ke wesi risoa nílima. Jériká aní echi Biblia:

•   “Riosi galá ku kanílatama aboni, mapurigá ma ketasi oʼmóniga nalákama. Echalí jonsa echi pagótami ma ketasi suwimea, nibilé auché nalákama, nibilé auché risúu animea, nibilé auché okoma; mapujiti suwaba mapu ikí chabénala nirúaliko, ma suwaba simárali” (Apocalipsis 21:4).