24 inárachi mayo bamíali 2022, echomí Uvalde, Texas (Estados Unidos), ikili bilé namuti we chati japi ke bilé mayeli japi echi riká ikimea. Echi periódico riwéami The New York Times, anili japi “bilé rijoi rifle jitra miʼali 19 kuuchi alí okuá maestras [...] echoná escuela primaria Robb”.

 Nalí, echi iyiri chati namuti ati we kipú echi riká ikíachi. Echi periódico riwéami USA Today, anili japi “kulí bamíali 2021 wikaná escuelas nimuiri, jepuná ko nili 249, alí ke siné echi riká ikili 1970 jonsa”.

 ¿Chúsiá ikí echi chati namuti? ¿Piri ta nokiboa japalí echi riká ikisaa? ¿Achi siné kaachi ma ke nirúlimiré echi cha nokiwáami? Echi Biblia tamó ruyé echi jitra.

•    Echi Biblia ma anili chu nokáami nima riweili echi pagótami “waminánomí rawé”, japi riká “ketásirapé galéami níima” ayénachó “wabé jobátami níima”, jiti la wiká we chati sití nokáami ju. Echi Biblia ayénachó aní japi wiká aminabi nokísima “waminabi ne wabé chati sitíi olayá” (2 Timoteo 3:1-5, 13). Jiti mi che machimea, leeri echi artículo “¿Predijo la Biblia cómo sería la gente en nuestros días?”.

 Wiká pagótami nárika noká chúsiá Onorúami riwé japi echi pagótami cha nokáami nimuma echoná escuelas. Jiti mi machimea japi aní echi Biblia, leeri echi artículo “¿Por qué le pasan cosas malas a la gente buena?”.

•   “Suwaba mapu ikí chabé kiʼyá osirúami níili echoʼná Riosi Raʼichala oselíwalachi, ne suwaba echirigá osirúami níili mapurigá tamujeta echijiti binératami níibo mapurigata waminabi galá bichíibo mapu Riosi ne bichíwali tamujé tamí kuʼwírama” (Romanos 15:4).

 Japi aní echi Biblia mi iʼwírima anachia japalí nirúachi cha nokiwáami. Jiti mi che machimea, leeri echi oselí ¡Despertad! jériwéami “¿Acabará algún día la violencia?”.

 Jiti mi machimea chúriká echi wénwala iʼwírima echi kúchuwala japalí kipusa chati noticias, leeri echi artículo “El efecto de las noticias en los niños”.

•   “Echi ko iʼwírima japi we risoa oliwá” (Salmo 72:14).

•   “Echi espada ko niwama arado chupala alí echi silá ko hoz niwama. Ma ke che nakoma echi pagótami silá jitra” (Miqueas 4:3).

 Onorúami ko a oméroma isiá japi echi gobiernos ke omeri nokayá. Onorúami ko wilama bilé gobierno ripá rewegachi nirúami alí suwábima suwaba echi namuti japi jitra nakóliwa alí ma ke nirúlima cha nokiwáami. Jiti mi che binema jarecho namuti japi isima echi Onorúami Gobiérnowala, leeri echi artículo “El Reino de Dios traerá ‘paz en abundancia’”.