Echi guerra echomí Ucrania alí echi cambio climático, isimí japi ke me nirúlima koʼwáami omáana kawichí, alí wabé jilí ju echoná países japoná echi pagótami ke omeri olayá echi koʼwáami japi newalé.

•   “Echi guerras, cambio climático, energía japi we natijí alí jarecho si namuti, isimí japi we jilí nima olayá alí júulia echi koʼwáami” (António Guterres, secretario general de las Naciones Unidas, 17 inárachi julio 2023).

•   “Echi japi we machíami ju ruyé japi wabé jilí nima olayá koʼwáami japi newaléliwa omáana kawichí jiti Rusia ma ke iʼwírinali jiti júuliwa cereales Ucrania jonsa. Jiti la echi koʼwáami we natéami nima japoná echi pagótami we risóati ju, japi riká echoná norte echomí África alí echoná Oriente Medio” (Atalayar.com, 23 inárachi julio 2023).

 Natá japi aní echi Biblia jepuná jitra alí japi ikimea pe aminana.

•   Jesús ko jériká anili: “Jaré oʼwéala silíami pagótamawala ne wabé nakoma auché jaré oʼwéala silíami pagótamawala sayéraga. Ayena cho wikabé pagótami ne wabé ʼlochema” (Mateo 24:7).

•   Echi libro Apocalipsis raʼicha naó caballos jitra japi aseka jumi. Bilé ko aniwáami ju echi guerra, alí bilecho ko aniwáami ju japalí nirúlima riweili lochéwami. Echalí ke me nirúlima riweili koʼwáami alí echi ko we natéami nima riweili. “Aʼlí nijeni ʼnéniga riwali bilé kawé chókami. Aʼlí echi mapu aseli echi kawé, échiko chapigá asali bilé namuti anáalawami echoʼná binói sikálachi. Aʼlí nijeni námali bilé raʼíchami [...] mapu jeanili: Bilé kilo turío bilé rawé nóchaga natétawami ju. Aʼlí bikiyá kilo sebara anilíwami rakala ayénachó bilé rawé nóchaga natétawami ju” (Apocalipsis 6:5, 6).

 Jepuná profecías a ikísimi jipi “wabé waminánomí rawé” japi riká aní echi Biblia (2 Timoteo 3:1). Jiti mi che binema “wabé waminánomí rawé” jitra, alí echi naó caballos japi aseka jumi, iné echi video 1914 jonsa we cha ikísimi alí leeri echi artículo riwéami “¿Qué representan los jinetes del Apocalipsis?”.

•   Echi Biblia tamó iyá we aʼlá busuréliami japalí ke me nirúachi koʼwáami alí we natéami kaachi. Ami riwimea auché jaré busuréliami jepuná jitra echoná artículo “Cómo vivir con menos”.

•   Echi Biblia ayénachó tamó ané japi pe aminana ma ke nima japi riká jipi. Aní japi sebama bilé rawé japalí “nirúlima wiká koʼwáami jenaʼí wichimóbachi” alí ke wesi lochea pirélima (Salmo 72:16). Jiti mi che machimea japi ikimea pe aminana alí chúsiá mi bichíwisaré, leeri echi artículo riwéami “La esperanza real de un mañana mejor”.