Sean Gladwell/Moment via Getty Images
¡SINIBÍ SAYEKA MOCHIBO!
Echi winomí japi ikí suwía echoná guerra omáana Wichimóbachi simírikami ju 2 billones de dólares | ¿Piri aní echi Biblia?
Bamíali 2022, omáana Wichimóbachi echi winomí japi ikí suwía echoná guerra ko ju 2.24 billones de dólares. Jepuná ko ikili jiti Rusia alí Ucrania nakoa jari. Echi Instituto Internacional de Estudios para la Paz de Estocolmo (SIPRI), nawésali bilé informe japi machínali abril 2023, echoná aní japi echalí bamíali 2022 ikili jepuná:
Echoná Europa suwábili winomí rasíruka 13% echalí bamíali, ke siné echi ikí suwábili winomí japalí jonsa niruili echi Guerra Fría.
“Echoná Rusia 9.2% rasíruka suwábili winomí”. Rusia ko nili echi malí país japi wabé suwábili winomí omáana Wichimóbachi echoná guerras, alí jipi ko ma bikiá ju.
Estados Unidos ko a bijí ju echi país japi wabé rasía suwabi winomí ku nimía: “39% suwabi omáana Wichimóbachi”.
“Jubá bamíali rasíruka suwabi echi winomí simíaya echomí guerras, echi ko aniwáami ju japi ta ke me aʼlá piré”, echi riká aní echi doctor Nan Tian, japi iʼwírili osayá echi informe SIPRI.
Echi Biblia ko anili japi aminabi nirúlisima echi nakówami jipi rawé. Ayénachó anili chúriká ti ne bichíwali oméripo kilí pirea.
Echi Biblia ko anili japi aminabi nirúlisima guerras
Echi Biblia ko aní japi ta kuwachimi rawé piré (Daniel 8:19).
Echoná libro Daniel anili japi jipi rawé nirúlima wiká países japi nakoma anakupi niraa machimea jépuká wabé rasíruka jiwérami ju, jiti la ayénachó rasíruka suwábima wiká winomí (Daniel 11:40, 42, 43).
Ami che machináliaká echi profecía jitra japi aní echi Biblia, iné echi video riwéami Echi profecía japi aní Daniel 11, ¿chúriká ikísimi?
Chúriká ti ne bichíwali oméripo kilí pirea
Echi Biblia ko aní japi Onorúami iyema echi isélikami alí “wilama bilé gobierno japi ke sineti suwábitami nima alí japi ke cho siméritami nima jaréanachó pueblo. Echi gobierno mojonama alí suwábima suwaba jepuná isélikami, alí echi bi nima japi sinibí nulama” (Daniel 2:44).
Jeobá ko a isima japi ta ma mulipi kilí pirélipo. ¿Chúriká isima? Echi Onorúami Gobiérnowala ripá riwigachi nirúami, suwábima suwaba echi chati namuti japi noká echi pagótami alí japi jitra nakowa (Salmo 46:8, 9).
Ami che machináliaká japi isima echi Onorúami Gobiérnowala, leeri echi artículo riwéami “El Reino de Dios traerá ‘paz en abundancia’”.
a Jeobá ju echi Onorúami riwalá (Salmo 83:18).
Ayénachó mi machináliré
ESSENTIAL BIBLE TEACHINGS
¿Piri ju echi Onorúami Gobiérnowala?
Japalí Jesús biteili jenaʼí wichimóbachi echi ko sinibí binérili japi isima echi Silíami japi Onorúami wilama. Wiká pagótami tani Onorúami jiti ma mulipi nulama echi Silíami jenaʼí wichimóbachi.
