27 inárachi enero 2023, wiká pagótami omáwima echi rawé japalí oyali wiká pagótami Holocausto anéliami. Jepuná ko ikili 75 bamíali simírikami jonsa, jiti la ami nárika isíeré chúsiá Onorúami riweli japi ikimea echi we chati namuti.

•   Jiti mi machimea japi aní echi Biblia, leeri echi artículo “¿Por qué sucedió el Holocausto judío? ¿Por qué Dios no lo impidió?”.

 Echalí echi judíos we risoa olari alí millones oyali jiti japi echi riká nokali ma aʼlá nátika katúwili japi chúriká nokimea. Ayénachó niruili jarecho pagótami japi najátarami nili alí oyali echalí. Japi riká jaré echi testigo Jeobá, echi ko najátarami nili, jiti bichili alí nokayé japi aní echi Biblia.

•   Jiti mi che machimea leeri echi artículo “¿Qué les ocurrió a los testigos de Jehová durante el Holocausto?”.”

 Wiká pagótami a majawá japi pe aminana checho echi riká ikimea. Nalí, ati kilí nili machiyá japi echi Biblia aní japi pe aminana ma ke siné ikimea echi chati namuti.

•   “We ni aʼlá machí japi ni isímaré emi jitra —echi riká aní Jeobá—. Japi timí kilí pirélima alí timí ke chati namuti ikiboa. Japi timí kanílika pirélima pe aminánami” (Jeremías 29:11). a

 Japi aní echi texto echi riká ikimea japalí Jeobá suwábisa suwaba echi chati namuti. Ma mulipi Onorúami ko isima jepuná namuti:

•   Suwábima echi japi we cha noká alí risoa níliti jarecho (Proverbios 2:22).

•   Ku kanílitima echi japi we risoa nili (Apocalipsis 21:4).

•   Ku jawásima echi japi ma suwili jenaʼí Wichimóbachi (Juan 5:28, 29, TNM).

 Mujé ko a oméroma bichiwia japi aní echi Biblia echi riká ikimea. ¿Chúsiá? Ami machináliaká ati mi bayé japi mi ayénachó binema tamujé yúa japi aní echi Biblia, ke bujeka.