Kulí bamíali echi isélikami, científicos alí echi we machíami tecnología jitra, raʼíchili japi we omérami ju echi inteligencia artificial (IA). Tákoré machí japi aʼlá ju néeliwa, ayénachó jaré siwea nili japi cha riká néerami nima.

•   “Echi inteligencia artificial ju bilé tecnología we jiwérami alí a iʼwírimiré echi pagótami aʼlá pirea [...]. Nalí ayénachó isímiré japi echi pagótami ke aʼlá nokáami nima, ke riwíwika nokimea, ke bichíwisima anakupi niraa alí ke bichíwisima echi isélikami” (Kamala Harris, vicepresidenta echomí Estados Unidos, 4 inárachi mayo 2023).

•   “Tákoré echi inteligencia artificial (IA) iʼwírima echi pagótami jiti ke me nayuma, nalí ayénachó isímiré japi echi pagótami nayuma jarecho namuti jitra” (Grupo internacional de médicos y profesionales de la salud dirigido por el doctor Frederik Federspiel, BMJ Global Health, 9 inárachi mayo 2023). a

•   “Ma omériwa néea echi inteligencia artificial jiti jaré ikaleka raʼichama. Ma mulipi wiká pagótami ke olama nóchali echi jitra. Ayénachó jaré japi we machíami ju echi tecnología jitra, aní japi a keʼré néerami nima suwábimia echi pagótami” (The New York Times, 1 inárachi mayo 2023).

 Ati pe aminana machiboa acha echi inteligencia artificial aʼlá néerami nima o ke ma. ¿Piri aní echi Biblia?

 Echi Biblia ko ruyé japi echi pagótami ke omero nokayá japi aʼlá néerami nima echi tecnología.

1.  1. Tákoré echi pagótami nokinali jaré aʼlá namuti, nalí be ke omero machiyá piri ikimea pe aminánami.

   •   “A nirú bilé buwé japoná simí echi rijoi alí mayé japi aʼlá ju, nalí be too japoná mukú” (Proverbios 14:12).

2.  2. Ke wesi omeri aniyá japi jarecho aʼlárika néema tamó níwala nóchali jiti aʼlá nokimea o cha riká nokimea.

   •   “Nijé ko riwélisaré [nijé níwala nóchali] echi rijoi japi upá nawá. Alí ke ni machí achi aʼlá nátami ju o ke ma. Echi riká nisa, echi ko nalí isima japi riká binoy nakí echi nóchali yúa japi ni we iʼwérili isili isiá” (Eclesiastés 2:18, 19).

 Ke ti machí piri ikiméaré pe aminana, jepuná néwariwéliti japi ta a newalé nijewia japi tamó nulé Onorúami.

 Onorúami ko aní japi ke sineti riwema japi echi pagótami, alí ayénachó echi tecnología, suwábima echi Wichimóbachi o echi pagótami.

•   “Echi wichimoba ko ke siné suwábitami nima” (Eclesiastés 1:4).

•   “Echi japi aʼlá nokáami ju ko kawí iyárami nima alí sinibí pirélima echoná” (Salmo 37:29).

 Echoná Bíbliachi Onorúami ruyé piri ta nokisáré jiti pe aminana kilí kanílika pirélipo. Ami kanílisa níliaká machiyá japi aní echi Biblia, leeri echi artículos “¿Existe alguna guía confiable que le asegure su futuro?” alí “La esperanza real de un mañana mejor.”