¡SINIBÍ SAYEKA MOCHIBO!
Echi isélikami aní japi echi Armagedón ma mulipi nawama | ¿Piri aní echi Biblia?
Lunes biʼá 10 inárachi octubre 2022, wiká misiles Rusos níwala, rujili jaréana ciudades echomí Ucrania. Na ko echi riká ikili jiti kulí okuá rawé bachaka Ucrania najúnali bilé puente japi napabú Crimea alí Rusia. Pe kulí jaré isélikami anili japi ne bichíwili nawama echi Armagedón alí we jilí nima.
“Japalí jonsa Kennedy biteili [japi presidente nili echomí Estados Unidos] alí japalí we jilí ikili Cuba echi misiles jitra, ke ta sineti ne mulipi piré japi riká jipi rawé japi ma mulipi nawama Armagedón. [...] Ani bichiwi japi echi armas tácticas nucleares isima japi nawama Armagedón” (Joe Biden, japi presidente ju echomí Estados Unidos, 6 inárachi octubre 2022).
“Ani bichiwi japi na ko Armagedón ju, omáana Wichimóbachi jilí nímaré” (japi anili Volodímir Zelenski —japi presidente ju echomí Ucrania— japalí nárili piri ikimea néesaká armas nucleares; BBC News, 8 inárachi octubre 2022).
¿A bichíwali ju japi néesaká echi armas nucleares isima japi echi Armagedón nawama? ¿Piri aní echi Biblia?
¿Achi néesaká armas nucleares isima japi echi Armagedón nawama?
Ke. Echi raʼíchali Armagedón, pe sinepi oserúa chukú Bíbliachi, Apocalipsis 16:16. Alí ke aniwáami ju bilé nakówami jaréana países yúa, nalí aniwáami ju japi Onorúami nakoma sinéami “jenaʼí Wichimóbachi nuláami” yúa (Apocalipsis 16:14). Onorúami ko suwábima echi isélikami Wichimóbachi piréami echoná Armagedón (Daniel 2:44).
Jiti mi che machimea piri ikimea echi Wichimóbachi japalí echi Armagedón nawasa, leeri echi artículo “¿Piri ju echi Armagedón?”.
¿Achi echi guerra nuclear jitra suwábitami nima echi pagótami alí echi Wichimoba?
Ke. Echi isélikami a keʼré japi pe aminana néema armas nucleares, nalí be Onorúami ke riwema japi echi Wichimóbachi suwábitami nima. Echi Biblia aní:
“Echi wichimoba ko ke siné suwábitami nima” (Eclesiastés 1:4).
“Echi japi aʼlá nokáami ju ko kawí iyárami nima, alí sinibí pirélima echoná” (Salmo 37:29).
Echi profecías japi aní echi Biblia alí japi ikí jipi rawé, néwariwéliti japi we natéami ju japi ikísimi jipi (Mateo 24:3-7; 2 Timoteo 3:1-5). Che machisí japi riká aní echi Biblia japi ikimea pe aminana, biné japi aní echi Biblia ke natétika tamujé yúa.