Sábado 13 inárachi abril 2024, Irán sayérili Israel. Jiti la António Guterres, echi secretario general de las Naciones Unidas, jéanili: “Jipi ko ma ti ke nakósaré. Ma ti riwésaré nakóaya”.

 Japi riká ikí echomí Oriente Próximo (oeste echomí Asia), aminabi a nirúlisimi guerras omáana Wichimóbachi.

 “Jipi a nirú wiká guerras japalí jonsa nili echi Segunda Guerra Mundial, alí 2,000 millones pagótami we risoa nilia piré echi jitra” (Consejo de Seguridad de la ONU, 26 inárachi enero 2023).

 Jaré países japoná echi pagótami we risoa nilia piré echi nakóaliami jitra ko ju Israel, Gaza, Siria, Azerbaiyán, Ucrania, Sudán, Etiopía, Níger, Myanmar alí Haití. a

 ¿Chu kabú nima japalí ma ke nirúlima guerras? ¿Achi echi isélikami omérima nokayá japi echi pagótami kilí pirélima? ¿Piri aní echi Biblia?

 Japi ikísimi jipi néwariwéliti japi ma mulipi ma ke nirúlima guerras. Echi Biblia aní japi jipi nirú guerras jiti ta piré “ne jubá suwibálawachi rawé” (Mateo 24:3).

•   “Námabo [o kipupo] wikanáami nakónalawachi […]. Mapujiti echalí rawé jaréana walula nulálachi kawírali piréami wabé nakoma, auché jaréana walula nulálachi kawírali piréami sayéraga. Aʼlí jaré oʼwéala silíami pagótamawala ne wabé nakoma auché jaré oʼwéala silíami pagótamawala sayéraga” (Mateo 24:6, 7).

 Leeri echi artículo riwéami “¿Cuál es la señal de ‘los últimos días’ o ‘los tiempos finales’?” jiti mi machimea chúriká ma oserúami nili echoná Biblia japi jipi nirúlima riweili guerras.

 Echi Biblia aní japi ma ke nirúlima guerras. Nalí, ¿jépuká isima jepuná? Echi pagótami ko ke omeri, nalí nirúlima bilé guerra japi Onorúami níwala ju, Armagedón riwéami (Apocalipsis 16:14, 16, TNM). Onorúami néema echi guerra Armagedón jiti isima japi echi pagótami kilí alí sinibí pirélima (Salmo 37:10, 11, 29).

 Ami che machináliaká chúriká echi guerra Onorúami níwala suwábima suwaba echi guerras, leeri echi artículo riwéami “¿Qué es el Armagedón?”.