Echi Naciones Unidas jériká aní:

•   7 aminá 23 inárachi octubre bamíali 2023, echi nakówami echomí Gaza alí Israel, isili japi suwimea 6,400 pagótami alí 15,200 pagótami nayúami ripili, wiká echi pagótami ke sontarsi ju. Ayénachó a nirú wiká miles pagótami japi miná simíali.

•   24 inárachi septiembre bamíali 2023, echi nakówami echomí Rusia alí Ucrania, isili japi ma suwimea 9,701 pagótami japi ke sontarsi ju alí nirú 17,748 pagótami japi nayúami ripili echomí Ucrania.

 ¿Achi aní echi Biblia bilé namuti japi iʼwírima echi pagótami japi risoa nili echi nakówami jitra jiti buwema namuti aʼláala?

 Echi Biblia aní japi Onorúami suwábima suwaba echi nakówami japi nirú jenaʼí Wichimóbachi (Salmo 46:9). Jiti echi riká isima bachá suwábima echi gobiernos jenaʼí kawichí nirúami alí wilama bilecho gobierno echoná ripá siyónachi: binoy Gobiérnowala (Daniel 2:44). Echi Onorúami Gobiérnowala isima japi echi pagótami kilí pirélima.

 Inesi japi isima Jesús, echi Silíami echi Onorúami Gobiérnowala jitra:

•   “Echi ko iʼwírima echi japi risóati ju alí japi sinaka iʼwírili tani, ayénachó echi japi ke niráami ju alí sinéami echi japi ke olá jépuká iʼwírima. Echi ko natimáami nima echi yúa japi risóati ju, alí niyúbima echi risóati. Echi ko iʼwírima japi we risoa oliwá” (Salmo 72:12-14).

 Onorúami ko néema binoy Gobiérnowala jiti echi pagótami ma ke risoa nílima alí ma ke omonama echi nakówami jitra alí echi pagótami cha nokáami.

•   “Alí echi ko isima japi ma ke bilé omónika nalama, alí japi ma ke wesi suwimea, ayénachó japi ma ke bilé risoa nílima alí japi ma ke bilé okoa nílima. Echi namuti japi chabé niruili ma suwaba simárili” (Apocalipsis 21:4).

 Ma mulipi echi Onorúami Gobiérnowala isima namuti we aʼláala jenaʼí Wichimóbachi. ¿Chúriká ti machí? Jiti echi Biblia aní japi jipi nirúlima riweili wiká nakówami (Mateo 24:6). Jepuná namuti alí jarecho si néwariwéliti japi ta ma “waminánomí rawé” piré alí japi ma mulipi ke nirúlima echi gobiernos jenaʼí Wichimóbachi (2 Timoteo 3:1).