CAMPAÑA CONMEMORACIÓN KAACHI
Jesús ko suwábima echi weli nakówami
Japalí biteili jenaʼí Wichimóbachi, Jesús ko newa isili japi we galé echi pagótami; jiti bela, echi ko mukuli tamujé jitra (Mateo 20:28; Juan 15:13). Ma mulipi checho newa isima japi we galé echi pagótami jiti echi ko, japi riká silíami echoná Onorúami Gobiérnowala, “suwábima echi weli nakówami omáana kawichí” (Salmo 46:9).
Nibí, ma inepo japi aní echi Biblia japi isima echi Jesús:
“Echi ko iʼwírima echi japi risóati ju alí japi sinaka iʼwírili tani, ayénachó echi japi ke niráami ju alí sinéami echi japi ke olá jépuká iʼwírima. Echi ko natimáami nima echi yúa japi risóati ju, alí niyúbima echi risóati. Echi ko iʼwírima japi we risoa oliwá” (Salmo 72:12-14).
¿Chúriká newa nokiboa japi ta we natéami niraa inena japi isili alí japi isima Jesús tamujé jitra? Echoná Lucas 22:19, Jesús ko jéaneli binoy najátowala japi newalama japalí mukuli. Jiti la, echi testigo Jeobá sinibisi bamíali napawila jiti newalama japalí Jesús mukuli. Mi ta bayé jiti mi si napawima tamujé yúa jiti natabo echi Jesús mukúala echi oméachi rawé 24 inárachi marzo 2024.