Jesús ko we aʼlá machí chúriká ti nili japalí echi chati pagótami tamó risoa olá, jiti japalí biteili jenaʼí Wichimóbachi binoy sayérala ikaleka raʼíchili echi jitra, wipisótami nili, oyéritami nili alí miʼárami nili. Tákoré echi ko ke bilé chati namuti isili, nijili binoy bitéala jiti niyúbitami nima echi pagótami (Mateo 20:28; Juan 15:13). Jipi rawé, echi ko ma silíami ju echi Onorúami Gobiérnowala jitra. Ma mulipi echi ko suwábima sinéami echi pagótami chati alí isima japi ma ke nirúlima risoa níliwami omáana Wichimóbachi (Isaías 42:3).

 Echi Biblia ko ruyé chúriká pirélima echi pagótami japalí Jesús suwábima echi chati pagótami:

•   “Echi japi chati nokáami ju ko ma ke pirélima; alí mujé ko ku aama alí tasi mi ku riwimea. Nalí echi japi we aʼláala ju ko kawí iyárami nima alí echi ko kilí kanílika pirélima” (Salmo 37:10, 11).

 ¿Chúriká newa nokiboa japi ta we natéami niraa inena japi isili alí japi isima Jesús tamujé jitra? Echoná Lucas 22:19, Jesús ko jéaneli binoy najátowala japi newalama japalí mukuli. Jiti la, echi testigo Jeobá sinibisi bamíali napawila jiti newalama japalí Jesús mukuli. Mi ta bayé jiti mi si napawima tamujé yúa jiti natabo echi Jesús mukúala echi oméachi rawé 24 inárachi marzo 2024.

Kumi nima echi Conmemoración