Echi nakóliami Ucrania japi nuláami ju echoná iglesias iʼwiri echi nakówami. Inepo chúriká Rusia alí Ucrania echi riká ikí:

•   “Matétara iyabo suwaba sontarsi japi nakowi Ucrania jitra [...]. Sinibí ti amachiki emi jitra alí timí iʼwíripo” (metropolitano Epifanio I de Kiev, The Jerusalem Post, 16 inárachi marzo 2022).

•   “Oméachi rawé, japi walúala ju echoná Iglesia ortodoxa rusa nijili bilé nawésali japoná iʼwérili iyali echi sontarsi jiti nakoma ‘japi bi machí echi rusos nokayá’. Moscú cho bijí nakowi Ucrania yúa” (Reuters, 3 inárachi abril 2022).

 ¿Simásaré echi cristianos nakosia? ¿Piri aní echi Biblia?

 Echi Biblia bineri japi echi cristianos ke simama japoná nirú nakóliwachi.

•   “Ku nasó mujé níwala ripiyá echoʼná wichibáchalachi, mapujiti siʼnéami echi jaré mapu ripiyá jiti nakówako, abóniko ayénachó ripiyá jiti miʼlirúami níima” (Mateo 26:52).

   Bilé pagótami nikúurisa jiti nirúlima nakówami alí nikosa, ¿ne bichíwika nijewi japi anili Jesús?

•   “Bukulíwami niráa Nijeni ʼyemi mi jerigá nulé: Máputamo aʼnagupi niráa wabé galebo. Achigórigá mapurigá Nijeni ʼyemi mi wabé galé, echirigá galesi ʼyemi aʼnagupi. Jenaʼí wichimóbachi piréami pagótami galá machimea mapu Nijeni ʼyemi mi binérali, átamo echirigá aʼnagupi galésagá” (Juan 13:34, 35).

   Bilé pagótami japi simí nakóliwachi, ¿achi bichíwali cristianos ju japi riká anili Jesucristo?

 Ami che machináliaká, leeri echi artículo “El cristianismo y la guerra: ¿son compatibles?”.

 ¿Achi nirú cristianos jipi japi ke simía nakosia? Ayena. Echi Biblia anili japi nirúlima riweili japalí “jubáami rawé” ju, nirúlima pagótami omáana Wichimóbachi piréami japi “ma ke che binema echi nakówami” japi riká binérili Jesús (Isaías 2:2, 4, nota).

•   Ami che machináliaká, leérisi echi oselí La Atalaya “¿Qué piensa Dios de las guerras?”.

 Ma mulipi Jeobá, a japi kilí ju, néema binoy níwala gobierno japi riká rewegachi nirúami ju jiti “iʼwírima japi we risoa oliwá” (Filipenses 4:9; Salmo 72:14).

•   Jiti machiboa chúriká isima, inesi echi video ¿Piri ju echi Onorúami Gobiérnowala?