“Jiti we ratá, echi pagótami omáana Wichimóbachi piréami ma ke omeria nili anachia. Alí ayénachó we iʼwérami ukú alí najucha echi kalí alí japoná nocha echi pagótami. Echi baʼwí japi maní echoná mar aminabi we ratabásimi, jiti la wiká namuti jákami japi nirú echoná baʼwírili suwí” (Inger Andersen, Secretaria General Adjunta de las Naciones Unidas y Directora Ejecutiva del Programa de las Naciones Unidas para el Medio Ambiente, 25 inárachi julio 2023).

 ¿Achi omérima echi isélikami napawía jiti akaréwima jena namuti?

 Echi Biblia raʼicha bilé gobierno jitra japi a omérima ku akarewia suwaba namuti chati japi ikí jenaʼí Wichimóbachi. Aní japi “echi Onorúami ripá rewegachi bitéami wilama bilé gobierno” jiti akaréwima suwaba echi namuti japi ikí (Daniel 2:44). Japalí ma nulasa echi Onorúami gobiérnowala, “ke bilé risoa olárami nima alí ke cho suwábitami nima” echi wichimoba (Isaías 11:9).