Echi noticias católicas japi riwé Catholic News Service, nawésili japi 25 inárachi marzo 2022 niruili bilé napawíliwami echoná Basílica de San Pedro. Echoná napawíliwachi echi papa Francisco bachami wilíbali japoná wilí echi imagen de María, chokóbili alí upiká amachíkili jiti ke nirúlima nakóaliami. Echoná página internet riwéami Vatican News, anili japi echi papa amachíkili echi imagen de María “echi Consagración jitra alí echi pagótami jitra, ayénachó Rusia alí Ucrania”.

 Mujé, ¿piri mi nata? ¿Achi aʼlá ju japi néepo echi imágenes jiti mulíwipo Onorúami? Natá japi aní jenaʼí versículos:

•   “Kiti niwá bilé imagen o japi chopi iyiri nirú ripá rewegachi, jenaʼí wichimóbachi alí rilé baʼwírili nirúami. Kiti chokóbika wilí echi amachikia [...] jiti nijé Jeobá japi mi Onorúamiwala ju, nijé ko ju bilé Onorúami japi tani japi tamí bi nijéwima” (Éxodo 20:4, 5). a

•   “Echi imágenes japi nee echi pagótami plata alí oro ju, japi pagótami jitra niwárami ju. Riníami ju, nalí ke omeri raʼichia; buséami ju, nalí ke omeri inea; nakéami ju, nalí ke omeri kipúa; olá chomala, nalí ke omeri saa; sikéami ju, nalí ke omeri chapiyá; ronéami ju, nalí ke omeri eena; echi kutala ke namú aní. Echi pagótami japi echi niwá echi riká cho nima, ayénachó sinéami japi echi bichiwi” (Salmo 115:4-8).

•   “Nijé ju Jeobá. Echi riká ni riwewi; alí ke ni riwema japi bilecho walubéala anérami nima tamí yúa, ke cho ni riwema japi jarecho imágenes nalí nijéwima” (Isaías 42:8, nota).

•   “Tarapé siné chokoba jaga oʼwikesi echi jaré amachíkalawami namuti” (1 Corintios 10:14).

•   “Ne galá tibútasi mapurigátamo ketasi bichíibo echi jaré amachíkalawami namuti” (1 Juan 5:21).

 Ami machináliaká piri si aní echi Biblia echi imágenes jitra, leeri echi artículo “El punto de vista bíblico: Las imágenes” o ayénachó iné echi video ¿Achi nakí Onorúami japi néepo echi imágenes jiti echi mulíwipo?

 Ayénachó ami machináliré piri si aní echi Biblia jepuná jitra:

•   “¿Qué dice la Biblia sobre la virgen María?”.

•   “¿Debería usted rezarle a la virgen María?”.

•   “¿Son señales de Dios los milagros y apariciones?”.

•   “¿Cómo llegará a haber paz en la tierra?”.

Photo credit: Vincenzo Pinto/AFP via Getty Images