¡SINIBÍ SAYEKA MOCHIBO!
¿A nirúlimiré bilé japi ta omero bichiwia? | ¿Piri aní echi Biblia?
Echi pagótami ko siwea nili japalí echi japi a bichíwiami nísaré ikaleka anijó, japi riká:
Echi políticos japi wabé nata aboi jitra, ke ko jarecho.
Noticias japi ke bichíwali aní.
Científicos japi ke nocha iʼwírimia echi pagótami.
Líderes religiosos japi wabé natéami niraa iné echi política alí ke me nijewia Onorúami.
Alí a bichíwali ju, jiti ta we aʼlá inésaré japi ta bichíwipo. Echi Biblia ruyé:
“Kiti bichíwisi echi príncipes, ke cho echi rijoi, jiti ke omero niyubia” (Salmo 146:3).
A NIRÚ BILÉ JAPI TA OMERO BICHIWIA
Echi Biblia aní japi a nirú bilé japi ta omero bichiwia: Jesucristo. Echi ko ke bi nili bilé aʼláala rijoi japi chabé biteili. Echi Biblia ruyé Jesús jitra: “Echi ko sinibí nulama [...]. Echi Gobiérnowala ke siné suwibama” (Luc. 1:32, 33, TNM). Ayena, Onorúami ko wilali Jesús japi riká silíami jiti nuláami nima binoy gobiérnowala, echi Onorúami Gobiérnowala. Alí jipi ko ma nulá echoná ripá rewegachi jonsa (Mateo 6:10).
Jiti mi machimea chúsiá ti omero bichiwia Jesús, leeri echi artículos riwéami “¿Quién es el Rey del Reino de Dios?” alí “¿Qué hará el Reino de Dios?”.
Ayénachó mi machináliré
ESSENTIAL BIBLE TEACHINGS
¿Piri ju echi Onorúami Gobiérnowala?
Japalí Jesús biteili jenaʼí wichimóbachi echi ko sinibí binérili japi isima echi Silíami japi Onorúami wilama. Wiká pagótami tani Onorúami jiti ma mulipi nulama echi Silíami jenaʼí wichimóbachi.
ESSENTIAL BIBLE TEACHINGS
¿Chúsiá ta bichíwisaré japi echi Biblia ne bichíwali aní?
Jaré pagótami aní japi echi Biblia ochérami kiʼyáwala raʼicháala ju alí japi ke bichíwali ju. Nalí be japi aní echi Biblia Onorúami níwala ju, ke nirú jarecho libro japi riká echi Biblia.
