Wiká pagótami japi piré omáana Wichimóbachi ke sibari winomí ralayá japi newalé, alí aminabi we jilí nílisimí.

•   Japi riká aní bilé informe, a “sinibí michá pe kuabi winomí natétisimí”. Ayénachó aní japi ke namú nokisáaká, “aminabi we nirúlisima echi pagótami japi risóati ju” alí echi pagótami nóchami alí japi echi yúa piré “ke wiká namuti olama”.

 ¿Achi omérima echi isélikami napawía alí akarewia jiti ke nirúlima echi pagótami japi risóati ju?

 Echi Biblia ruyé japi nirú bilé gobierno japi a omeri alí iyama echi pagótami japi newalé jiti ma ke risóati nima. Aní japi “echi Onorúami ripá rewegachi bitéami wilama bilé gobierno” jiti akaréwima echi namuti chati japi nirú jenaʼí Wichimóbachi (Daniel 2:44). Japalí ma nulasa echi Onorúami Gobiérnowala, ke tasi bilé bineli riwérami nima (Salmo 9:18). Echi Onorúami Gobiérnowala sinibí iyama echi pagótami echi namuti japi newalé alí sinéami we kanílima echi nóchali jitra japi nokimea (Isaías 65:21, 22).