Echi pagótami ko nakí weli jáwami japi a omérima bichiwia, jiti ma nasini echi políticos japi cha nokáami ju. Japalí náritami nili echi pagótami omáana Wichimóbachi piréami bamíali 2023, wiká ko anili japi ke bichiwi echi weli jáwami japi nulá echoná gobiernos. a

 Echi Biblia ruyé bilé gobierno jitra japoná nulá bilé japi ta a omero bichiwia jiti ke cha isíami ju. Echi gobierno ko ju echi Onorúami Gobiérnowala alí echi nuláami ko ju Jesucristo (Isaías 9:7).

 Echi Jesús ko ma néwariwélitili japi a iʼwírinali echi pagótami (Mateo 9:35, 36). Jiti nuláami ju echoná Onorúami Gobiérnowala, echi ko isima japi ma ke nirúlima cha nokáami alí japi sinéami kilí pirélima (Salmo 72:12-14).