Wiká pagótami ko aní japi ke omero chopi iyiri niya.

•   “Japalí echi pagótami kichí alí nata japi ke natéami ju jarecho, echi ko isimí japi echi pagótami ke kanila nochama napawika alí isimí japi ke kanila pirélima. Jepuná isimí japi echi pagótami aminabi ke chopi iyiri nima” (António Guterres, secretario general de las Naciones Unidas).

 ¿Achi omériporé siné kaachi chopi iyiri niya? ¿Piri aní echi Biblia?

 Echi Biblia ko aní piri nata Onorúami sinéami echi pagótami jitra.

•   “Ayénachó echi Walubela Riosi chopi léami niráa niwáli ne siʼnéami pagótami mapu ikí nirú jenaʼí wichimóbachi, mapurigá aboni pirélama ne suníami jenaʼí wichimóbachi” (Hechos 17:26).

•   “Mani galá machí mapu Riosi ne bichíwali galé echi auché jaré isena pagótami [...]. Ayénachó Riosi galá naré mapuyíripi pagótami mapu galá bichíiga majá Binói Riosi, siʼnéami mapu ikí galabé olako” (Hechos 10:34, 35).

 Echi Biblia ko aní japi sinéami pagótami nibo japi riká bilé téemala, ayénachó aní japi Jeobá galé sinéami pagótami tákoré ke chopi iyiri ke.

 Echi Onorúami Gobiérnowala japi ripá siyónachi atí, echi ko a oméroma isiá japi chopi iyiri nima. Echi Gobiérnowala ko a binérima echi pagótami japi anakupi aʼlá nokimea. Echi pagótami binema japi sinéami chopi iyiri ju.

•   Echoná Wichimóbachi, “sinéami pagótami japi piré echoná biné wachía nokáami niya” (Isaías 26:9).

•   “Japalí nokiwá aʼlá namuti, kilí piréliwa. Echi jiti ne sinéami kilí pirélima, ayénachó ke bilé majama alí sinibí kilí pirélima” (Isaías 32:17).

 Jipi rawé ko, millones pagótami ma binésimi simárika nokáami niya alí riwiwia sinéami pagótami.

•   Ami che machináliaká, leeri echi oselí ¡Despertad! jériwéami “¿Tiene cura el prejuicio?”.

•   Jiti ta machiboa chúriká raʼichama echi wénwala echi kúchuwala yúa jepuná namuti jitra, leeri echi artículo riwéami “¿Cómo hablar con sus hijos sobre el racismo?”.