Lunes 6 inárachi febrero 2023, niruili terremotos we chati echomí Turquía alí Siria.

•   “Kulí na lunes, bilé waʼlú terremoto suwábili simírikami 3,700 pagótami echoná Turquía alí noroeste echomí Siria. Ayénachó echomí we ritúa wilí alí jepuná isimí japi wabé jilí nima echi miles pagótami jitra japi we risoa ikili alí ke olá japoná pirélima. Ayénachó echi rulawí isimí japi we jilí nima aaya echi pagótami japi a bijí jakami bití o japi kecho bijí suwí” (Reuters, 6 inárachi febrero 2023).

 We ti risoa nili machiyá echi namuti jitra. Japalí ikí echi iyiri namuti, ati omeri nikúurili tania Jeobá, jiti echi ko ju japi “tamujé tamí ku kanílata mapalita oʼmona” (2 Corintios 1:3). Echi ko tamó iʼwiri néeka echi Biblia jiti ta kilí niraa buwepo echi namuti aʼláala japi ikimea pe aminana (Romanos 15:4).

 Echoná Biblia ata biné jepuná namuti jitra:

•   Aniri japi nirúlima riweili echi terremotos.

•   Kumi ta riwiboa echi namuti aʼláala japi ikimea pe aminana alí tamó ku kanílitima.

•   Piri isima Onorúami jiti ma ke wesi risoa nilia pirélima.

 Ami che machináliaká japi aní echi Biblia jepuná jitra, leeri jepuná artículos:

•   “Grandes terremotos: ¿qué fue lo que predijo la Biblia?”.

•   “¿Dónde hallar esperanza?”.

•   “Dios pronto acabará con el sufrimiento”.