CHÚSIÁ WE NATÉAMI JU. Jiti ma binoy binésaká, a machimea japi ta binériporé alí natama japi ta bineri. Echi riká isisa ko aminabi we nakísima Jeobá. Ma pakósaká echi binéami binésaré japi binéliwa echoná napawíliwachi, ayénachó binésaré piri binérima echi pagótami japalí nawesia simiyá, echi riká isísakó a nijéwiaré japi anili Jesús: “né galá ʼnagá muchisi” (Mt 25:13). Echi riká isísaká binea we kanilia bitélima jipi alí pe aminánami. Ne kulii jonsa, ata binérisaré echi japi ta bineri jiti machimea subrayaria echi libro japi binema.

CHÚRIKÁ NOKIBOA

• Ata mi binéranala echi auché jaré pagótami ayénachó binésaré (Ro 2:21). We aʼlá mi binésaré japi mi binérima echi binéami (km-S 11/15 pág. 3). Riwiri mujé níwali libro japi mi subrayárika olá.

• Ané japi subrayárima echi libro. Ayénachó ruyé japi a echi riká isísaká we aʼlá binema alí we kaníliami nima. Ané chu mi riká isimí binea alí ané japi mi biné japoná ke wesi mi nukumema. Jaré hermanos ko tanewi aboi níwala libro ma subrayárika jiti machimea echi binéami japi echi riká binéliwa.

• Bineri subrayaria echi libro. Jaré hermanos ko nari kumi chukuyá respuesta echoná libro alí ané japi subrayárima echi respuesta.