“Ne galá ʼnagá muchisi siʼnéami ʼyemi”
Jesús jeanili japi 10 iwé natipasia simíali bilé novio, echi raʼíchali ko ruyeeri hermanos japi ripá riwigachi simama ata machiboaré chúsiá we natéami ju japi anili (w15-S 15/3 págs. 12-16). “Ne galá ʼnagá muchisi siʼnéami ʼyemi, mapujítitamo ketasi [...] machí chu yénako níima echalí rawé” (Mt 25:13). Biné jiti mi machimea ruyea. ¿Chúsiá echi riká anila Jesús?
-
Echi novio japi upema (v. 1): Echi ko Jesús ju.
-
Iwé aʼlá nátami japi aʼlá inaká mochili (v. 2): Echi ko ju echi hermanos japi Jesús yúa simama nulasia ripá riwigachi, echi ko we aʼlá machiká nulá, echi ju japi tamujé bineri japi aní Jeobá, echi riká nokimea kuwachimi rawé jonsa (Flp 2:15).
-
Nawésali jéaniká: ‘¡Echi novio ma nawá!’ (v. 6): Echi ko aniwáami ju japi echi hermanos ma machili japi Jesús nuláami ju ripá rewegachi.
-
Iwé ke aʼlá nátami (v. 8): Echi ko ju echi hermanos japi Jeobá chapili japi ripá simama Jesús yúa nulasia japi ke aʼlá inaká mochili Novio ku nawáachi; echi ko ju japi ma ke nijéwili.
-
Iwé aʼlá nátami ke iwírili echi iwé japi ke aʼlá nátami nili (v. 9): Echi riká cho nima echi hermanos japi simama ripá Jesús yúa nulasia ma machisaa japi ma bawirárami ju, echalí ko echi hermanos echi ko ma ke omérima iwiria echi japi ripá si simea riweli jiti echi ko ma ke nijéwili.
-
‘Nawali echi novio japi upema’ (v. 10): Jesús oyérisia nawá ma japalí kecho simíriachi gran tribulación alí kowimea japi ke nijéwami nili.
-
Iwé japi aʼlá nátami nili moʼwili pachá echi novio yúa alí érili echi yewi (v. 10): Jesús ko napabuma echi hermanos japi simama ripá nulasia jiti nijéwami ju; japi ke nijéwili ko tasi simama.